Imaam Mujtahid Sheykhul-Islaam

Ka Wikipedia

Taariikh-nololeedkii sheekhii Muslimiinta Ibna Taymiya

Imaam Mujtahid Sheykhul-Islaam[wax ka badal | wax ka badal xogta]

Dhalashaddiisii[wax ka badal | wax ka badal xogta]

Taqiyu-ddiin abul Cabaas Axmed ina CabdilXaliim ina CabdiSalaan ina Taymiya oo ahaa reer Xaraani. Wuxuu ku dhashay magaalada Xaraan maalin isniin ah , tobankii Rabiicul-awal sanadka Hijrigu markuu ahaa 661H.

Barbaarkiisii[wax ka badal | wax ka badal xogta]

Wuxuu ku koray guri diinta laga barto, oo awoowgiis Abul Barakaat CabdiSalaan wuxuu ahaa sheekhii qoray kitaabka: (المنتقى من أخبار المصطفى صلى الله عليه و سلم) , oo wuxuu ka mid ahaa culumadii ugu waaweyneyd madhabta Xanbaliga, aabihiisna sidoo kale wuxuu ka mid ahaa culumadii isla madhabta, oo wuxuu ahaa bare iyo mufti, wuxuuna madax ka ahaa rugta xadiiska Sukariya دار الحديث السكرية tan iyo intii uu ka geeriyoodey.

Wuxuu la soo qaxay reerkiisii oo la soo degey Dimishiq, Suuriya, ka dib markii Tataarku ay burburiyeen magaaladiisii Xaraan. Wuxuuna kor ka bartey Qur’aanka isaga oo aad u yar, markuu labaatan sano gaaray cilmiga meel sare ayuu ka gaarey, waxaana la sheegaa iney barayaashiisa laba boqol gaarayeen.

Barashaddiisii xadiiska[wax ka badal | wax ka badal xogta]

Kutubtii uu ka bartey xadiiska nabiga naxariis iyo nabadgelyo korkiisa ha ahaatee waxaa ka mid ah: مسند الإمام أحمد بن حنبل , الكتب الستة الكبار والأجزاء iyo معجم الطبراني الكبير. Wuxuu kale oo uu bartey fiqiga, usuulu-fiqiga, tafsiirka iyo naxwaha oo uu ka bartey ina CabdilQawi. Wuxuu bare ka noqdey rugta xadiiska Sukariya markuu jirey labaatan iyo kow sano, kadib markuu aabihii geeriyoodey. Wuxuuna qorey kutubo fara badan oo ay ka mid yihiin: منهاج السنة النبوية , السياسة الشرعية في إصلاح الراعي والرعية iyo رفع الملام عن الأئمة الأعلام.

Manhajkiisii[wax ka badal | wax ka badal xogta]

Wuxuu ahaa mid ku dhaqma kitaabka iyo sunnada nabiga n.n.k. sidii uu ku yiri Eebbe kor ahaaye Qur’aanka: Haddii aad isku qabsataan arin u celiya Eebbe iyo Rasuulka haddii aad rumeysan tihiin Eebbe iyo maalinta dambe taas ayaa wanaagsan ahna tafsiir hagaagsan. (فإن تنازعتم في شيء فردوه إلى الله والرسول إن كنتم تؤمنون بالله واليوم الآخر ذلك خير وأحسن تأويلاً) (النســـــــاء : 59) Wuxuuna dadka ugu yeeri jirey iney ku dhaqmaan kitaabka iyo sunnada nabiga NNK

Dhimashaddiisii[wax ka badal | wax ka badal xogta]

Wuxuu geeriyoodey Eebbe ha u naxariistee habeen isniin ah bishuna ay ahayd labaatankii Dul-qacda sanadku markuu ahaa 728H, isaga oo ku xiran xabsi ku yaala Dimishiq. Wuxuuna markaas da' ahaan jiray 67 sano.



QORE: ABDIRIZAK MOHAMED ILMI

PUPLISHER: B A S H I R M I K H A A ' I I L

Fatwa of Mardin by Ibn Taymiyya alaha unaxaariisto imaamka