Laascaanood
| Laascaanood
|
|
| Magaalada Laascaanood | |
|---|---|
| Gobolka: | Sool. |
| Dalka: |  Somaliland |
| Saacada: | waqtiga bariga afrika +3 |
Laascaanood waa magaalo ku taalo xarunta gobolka Sool ee Somaliland. magaaladaan waxey u dhaxeesaa Gobolada Sanaag, Togdheer Iyo Nugaal. Magaalada waxaa ku dhaqan dad gaadhayaa ilaa 120kun oo qof. dadka degen magaalada laascaanood waa dad wadaniyiin ah oo aad u jecel midnimada iyo wadajirka Somaliland.Laascaanood waxey ka midtahay magaalooyinka galay taariikhaha waaweyn. Taariikhda waxaa magaalada la aasaasay horaanta qarnigii 19aad waxayna noqotay xaruntii dhaqdhaqaaqa xornimo udirirka soomaaliyeed ee Daraawiishta, magaaladaan waa magaalo ka duwan qeybaha kale ee dalka Somaliland, waa magaalo si buuxda ah loo soo gumeesanin. Magaalada Waxay leedahay durdur biyood webi laamood ah oo mara dhanka koonfured ee magaalada, taasi waxay sahasiay dhulbered baladhan oo ka kasoo baxo halkaa,guud ahaana haqabtira baahida qudareed ee magaalada, magaaladu waxay leedahay dugsiyo diini ah oo dhaman gobolada somaliya looga soo cilmidoonto Qodabada kale ee taariikhda lagu xuso waxaa ka mid ah, magaaladaan waxaa lagu dilay Allaha u naxariistee madaxweynihii Soomalia Cabdirashiid Cali Sharma'arke sannadkii 1969.
[Wax ka bedel] Waxbarashada
Magaalada waxa ay leedahay xarumo waxbarasho kala duwan oo isugu jira kuwa dawli ah iyo kuwa gaar loo leeyahay. Waxaana ka mid : Jaamacadda Nugaal, Dugsiga sare ee Muuse Yuusuf, Dugsiga sare ee Nugaal, Dugsiga sare ee Sool, Dugsiga hoose/dhexe ee Golkhaatumo, Dugsiga hoose dhexe ee Abyan, Dugsiga hoose/dhexe ee Gateway Machadka Macalin Jaamac, Machadka diiniga ee Khadiija Machadka diiniga ee caa'isha Machadka Imaamu Shaafici iyo qaar kaloo badan.
Isgaadhsiinta iyo Xarumaha Caafimaadka Magaalada waxa ay aad ugu horumartay dhinaca isgaadhsiinka waxii ka danbeeyay sannadkii 2000, iyada oo magaalada hada ka shaqeeyaan tiraba afar shirkadood oo kala ah: Hantelcom, Telesom, Telekom, Golis Somtel STG. Dhinaca caafimaadka waxaa magaalada ku yaala hal cisbitaal oo guud iyo mid kale oo gaar loo leeyahay. Waxaa kaloo jira xarumo yaryar oo iyadana gaar loo leeyahay.
[Wax ka bedel] wararka magaalada laascaanood
Mudaaharaad ka dhacay magaalada Laascaanood Idaacada horseed media (af somali)
