Qurac

Ka Wikipedia
Qurac
Vachellia tortilis in the Serengeti National Park
Kala soocida cilmiga ah
Boqortooyo: Plantae
(darajo la'aan): Angiosperms
(darajo la'aan): Eudicots
(darajo la'aan): Rosids
Dirka: Fabales
Bahka: Fabaceae
Duulka: Vachellia
Noocyada: V. tortilis
Magaca laba-geesoodka ah
Vachellia tortilis
(Forssk.) Galasso & Banfi[1]
subspecies[2] and varieties
  • Vachellia tortilis subsp. heteracantha (Burch.) Kyal. & Boatwr.
  • Vachellia tortilis subsp. raddiana (Savi) Kyal. & Boatwr.
    • var. pubescens (A.Chev.) Kyal. & Boatwr.
    • var. raddiana (Savi) Kyal. & Boatwr.
  • Vachellia tortilis subsp. spirocarpa (Hochst. ex. A.Rich.) Kyal. & Boatwr.
    • var. crinita (Chiov.) Kyal. & Boatwr.
    • var. spirocarpa (Hochst. ex. A.Rich.) Kyal. & Boatwr.
  • Vachellia tortilis subsp. tortilis (Forssk.) Galasso & Banfi
Range of Vachellia tortilis
Eray la mid ah
  • Acacia tortilis (Forssk.) Hayne
  • Mimosa tortilis Forssk.
  • Vachellia tortilis (Forssk.) P.J.H.Hurter & Mabb.
Qurac

Qurac (magaca sayniska: Acacia tortilis, af-carabi: السَّمُرُ ama السنط) Afrika, waxaana lagu arki karaa Bariga Dhexe.

Geedabaareed qodaxle ah, ilaa 21 mitir (69 ft) kor u baxa, baarka sare sidii dallad oo kale u fidsan, dadka qaar ayaa u yaqaan abqo, mirihiisa ayaa iyana abqo ah, waa geed caan ka ah Afrika una badan Geeska Afrika, waxaa kaloo laga helaa Bariga Dhexe.

Gabay baa waxaa ku jiray tuducyadaan Ninka geedo tiriyoo ka tegay qurac tilmaantiisa Oo tiinka iyo qabada iyo tabaya maygaagga Tusmaxume taariikhdaba miyuu taako ka ogaaday?

qurac ka baxaya Tanzania

Dhulka uu ka baxo[wax ka badal | wax ka badal xogta]

Quraca oo noocyo badan ayaa waxaa caan ku ah qaaradda Afrika laga soo billaabo Sinigaal lagu keeno Bariga Afrika ee Soomaaliya ilaa Koonfur Afrika. Wuxuu ka baxaa sidoo kale Bariga Dhexe, iyo dalka Iiraan. Sannadkii 1958 ayaa geedkaan lagu beeray dalalka Hindiya iyo Bakistaan.

Tilmaanta dhir ahaaneed[wax ka badal | wax ka badal xogta]

waa geed cimri dheer oo waynaada boqolaal sano taagnaan kara, u bada geeska afrika, wuxuu ka baxaa dhulka oomanaha iyo saxaraha ah, wuxuu yeeshaa xidido dhaadheer oo ku kaalmeeya inuu qoto dheer biyo ka helo, wuxuu ka baxaa togaga iyo buuraha dushooda, wuxuu ka fogaadaa meelaha ay biyuhu fariistaan ama ay jeexaan, waa geed u adkaysan kara abaar dheer iyo kaliisha waxaa ku filan roob 40 milimitir dhulka gala, wuxuu u adkaysan karaa biyo la'aan dhan hal bil ilaa 12 bilood, geedka ayaa jecel dhulka jilicsan oo cusbada leh, xidida quraca ayaa dhulka ku fogaada ilaa 35 mitir markii meeshu tahay lama degaan saxaro ah caro jilicsan, wuxuu samaysataa xidido banaanka u dhow ama yaala meelaha biyuhu ka dhowyihiin ama ay fariistaan, dhirirkiisa ayaa gaara  21 mitir (69 ft), caleemihiisa ayaa aad u yar yar, wuxuu dhalaa ubax yaryar oo cad cad, mirihiisa oo abqo ama aqbo u taqaan soomaalidu ayaa ah kuwo dhuudhuuban oo isku soo laabma badanaa, waxaa cuna aroga geela dadka iyo dhamaan duur joogta dhirta cunta, wuxuu leeyahay xabag la cuno,

wuxuu leeyahay qodxo dhaadheer iyo kuwo yar yar,

Qaybaha geedka[wax ka badal | wax ka badal xogta]

  • Dayo(Dayooyin) waa caleentiisa, siiba marka ay qoyan tahay.
  • Dimcad waaquraca da'da yar wuxu lee yahay ulo xoog badan iyo mayrax aad u cad.
  • Xanan wuxu la macna yahay Dimcad, marka geedku yar yahay. 
  • Durruje- Quraca waaweyn 
Caleenta quraca

Geedka iyo soomaalida[wax ka badal | wax ka badal xogta]

Soomaalida ayaa geedkaan aad u jecel una adeegsata waxyaabo badan, waxay ka helaan ulaha guryaha lagu dhisto waa harsadaan, gartana waa ku galaan,

Waxaa kaloo laga hellaa laamihiisa ulo dhuudhuuban oo dadka reer guuraagu aad u isticmaalaan oo xoolaha ku raacdaan, siiba geela. Caleentisa waxa daaqa ariga, laakiin waxtarkiisa weyni waa abqada, kuwaas oo aad u tira badan dhulkana laga gurto, xoolaha Afrika oo dhanna daaqaan, waxa kaloo laga helaa ood, tiirar iyo dhuxul.

Dawo ahaanna waxa lagu daaweeyaa dixiriga caloosha gala, cudurada maqaarka, xajiinta maqaarka, iniinaha abqada, laamaha iyo xididdada na waxa loo adeegsadaa asal ahaan.

Magacyada quraca ee luqadaha kale[wax ka badal | wax ka badal xogta]

  • Afrikaans: haak-en-steek
  • Carabi: samar, sammar, samor, samra, sayyal, seyal, seyyal
  • Ingiriis: karamoja, umbrella thorn
  • Cibri: shitat ha'sochech
  • Hindi: Israeli babool
  • talyaani: acacia ad ombrello
  • Ndebele: isanqawe, umsasane, umshishene, umtshatshatsha
  • Nyanja: mzunga, nsangu, nsangunsangu, nyoswa
  • Samburu: ltepes
  • Somali: abaq, qurac, maraay
  • Sawaxili: mgunga, mugumba, munga
  • Tigree: akba, akiba, alla, aqba
  • Tongan: mukoka, muzungu, ngoka
  • Tswana: mosu, mosunyana
  • Zulu: umSasane
  • Oromo: Lafto
  • Xabashi: Grar

xigasho[wax ka badal | wax ka badal xogta]

[3][4][5]

Tixraac[wax ka badal | wax ka badal xogta]

  1. Kyalangalilwa B, Boatwright JS, Daru BH, Maurin O, van der Bank M.. Bot J Linn Soc. 172 (4): 500–523. doi:10.1111/boj.12047 http://onlinelibrary.wiley.com/doi/10.1111/boj.12047/abstract.  Maqan ama ebar |title= (caawin)
  2. ILDIS Legumes of the World
  3. https://hort.purdue.edu/newcrop/duke_energy/Acacia_tortilis.html
  4. http://www.flowersinisrael.com/Acaciatortilis_page.htm
  5. https://www.facebook.com/339566649479511/photos/a.339569902812519.1073741825.339566649479511/670809703021869/?type=3&theater