Sheekh Maxamed Naasiruddiin Al-Albaani

Ka Wikipedia

Dhashay 1332H = 1914M Ashqoodara Albaaniya, Dhintay 22.6.1420H = 2.10.1999M Cammaan Urdun, Mad-habkiisa Ahlu-xaddiis, Caqiidadiisa Salafiya.]] Taariikh nololeedkii Sheekhul-Islaam Maxamed Naasirud-Diin al-Albaani

Imaam Maxamed Naasirud-Diin al-Albaani[wax ka badal | wax ka badal xogta]

Wuxuu ahaa Muxaddis, Faqiih dadka ugu yeera Kitaabka iyo Sunnada Nebiga c.s.w. iyo in loo fahmo sidii ay u fahmeen Salafkii suubbanaa iyo qoraa xeeldheer, wuxuuna ka mid ahaa culimada ugu waaweyn ee muslimiinta ee waqtigan aan joogno.

Dhalashaddiisii[wax ka badal | wax ka badal xogta]

Wuxuu dhashay Sheekhul-Islaam aw CabdiRaxmaan Maxamed Naasirud-Diin ina Xaaji Nuux ina Aadan Najaati al-Albaani ad-Dimishiqi al-Urduni sanadka Hijrigu markuu ahaa 1332H. oo ku beegnayd sanadka Miilaadiga markey aheyd 1914M. Wuxuuna ku dhashay Ashqoodara oo ahayd magaalo-madaxdii Albaaniya xiligaasi. Reerka sheekhuna waxay ahaayeen qoys diinta ku dhaqma oo aabihiisna wuxuu ahaa sheekh dadka diinta bara. Sheekh Albaani wuxuu la soo qaxay reerkiisii oo la soo degey Dimishiq Suuriya, ka dib markii Axmed Saago ”boqorkii Albaaniya” ee xiligaasi uu qaatey ilbaxnimadii reer galbeedka ee ku dhisnayd in laga fogaado diinta ”Calmaaniyadda”.

Sheekhu wuxuu ku dhameystay waxbarashadiisii dugsiga hoose ee al-Iscaaf al-Khayri oo ku yaaley Dimishiq Suuriya.

Sheekh Albaani aabihiis wuxuu baray Qur’aanka kariimka, sida loo akhriyo Qur’aanka ”tajwiidka”, afka carabiga (xeerarka afka ”naxwaha” iyo rogrogmadkiisa ”sarfiga”) iyo diinta ”mad-habta Xanafiga”.

Sheekh Albaani wuxuu sidoo kale aabihiis ka bartay mihnada sida loo hagaajiyo saacadaha oo ahayd xirfaddii uu ku shaqaysan jiray, mihnaddaana waxay u sahashay inuu helo waqti ku filan uu wax ku akhrisan karo, sidoo kale u soo hijroogii reerkiisa u soo hijroodeen Suuriya waxay u sahashay inuu barto afka carabiga uuna ka akhristo culuumta shareecada kutubta maraajicda ah.

Sheekhu wuxuu kale oo uu ka bartay mad-habta Xanafiga iyo afka carabiga barayaal kale.

Barashaddiisii Xaddiiska[wax ka badal | wax ka badal xogta]

Sheekh Albaani wuxuu bilaabay barashada Xaddiiska markuu jirey labaatan sano. Kitaabkii ugu horeeyay ee uu ka barto cilmiga Xaddiiska wuxuu ahaa: "al-Mugni" ee uu qorey Sheekh al-Ciraaqi Eebbe ha u naxariistee.

Wuxuuna qoray kutubo fara badan oo boqol ka badan una badan cilmiga Xaddiiska iyo fiqhiga Xaddiiska.

Ardaydiisa[wax ka badal | wax ka badal xogta]

Ardaydiisii Waxaa ka mid ah Suuriya Dimishiq:

  • Sheekh Xamdi CabdilMajiid as-Salafi
  • Sheekh Cali Khashaan
  • Sheekh Maxamed Ciid Cabbaasi
  • Sheekh Maxamed Ibraahin Shaqra
  • Sheekh Nabiil al-Kayaal
  • Sheekh Maxamed Jamiil Ziinu

Waxaa ka mid ah ardaydiisii Urdun Cammaan:

  • Sheekh Cali ina Xassan al-Xalabi al-Athari
  • Sheekh Saliim al-Hilaali
  • Sheekh Mash-huur Xassan reer Salmaan
  • Sheekh Xuseen al-Cuwaysha
  • Sheekh Maxamed Muuse Nasri
  • Sheekh aw Yusri Axmed al-Khashaab

Iyo kuwo kale oo fara badan oo ka faaiday kutubtiisii oo kala jooga Adduunka dacaladiisa.


Ustaadnimadiisii:

Wuxuuna ustaaz ka ahaa jaamacadda Islaamka ee Madiina al-Munawara muddo saddax sano ah 1381-83 H. oo ku beegnayd 1961-63 ee miilaadiga, isagoo ka dhigayey maadada cilmiga Xaddiiska.


Culumadii saameynta weyn ku lahaa waxaa ka mid ahaa sheekhul-Islaam Ibnu Taymiya iyo ardeygiisii Ibnu Qayyim Eebbe ha u naxariistee.


Booqashooyinkiisii


Sheekh Albaani wuxuu booqasho ugu tagay waddamo kala duwan wacdin iyo muxaadaro ujeedin sida: Sacuudi carabiya, Qadar, Kuweyt, Masar, Isutagga Imaaraadka carabta, Isbeyn, Ingiriiska iyo Jarmalka.

Amaantii ay culimada amaaneen[wax ka badal | wax ka badal xogta]

Wuxuu yiri sheekhii ugu weynaa Sacuudiga ee hore sheekh CabdiCasiis ina Baaz Eebbe ha u naxariistee:

Ma jiro waqtigan aan joogno qof ka yaqaan sheekh Albaani nolosha nabiga ”cilmiga xadiiska” (NNKH).

Waxaa la weydiiyay sheekh ina Baaz xaddiiska Rasuulka Eebbe naxariista Eebbe iyo nabadgelyadiisa korkiisa ha ahaatee:

(Eebbe wuxuu u soo saaraa ummaddan boqolkii sannadba qof u soo nooleeya diintooda)).

Haddaba waa kuma Mujaddidka qarnigan aan joogno?

Wuxuuna yiri sheekh ina Baaz Eebbe ha u naxariistee:

(Sheekh Maxamed Naasirud-diin al-Albaani ayaa ah mujaddidka casrigeena sidaan u maleynayo Eebbaana ugu og)).

Wuxuu sidoo kale yiri:

(Ma garanayo waqtigeena qof nool oo ka cilmi badan sheekh Albaani)).

قال العلاّمة عبدالعزيز بن باز المفتي السابق للمملكة

-العربية السعودية -رحمه الله 

ما رأيتُ تحت أديم السماء عالماً بالحديث في العصر الحديث

مثل العلاَّمة محمد ناصر الدين الألباني


وسُئل الشيخ ابن باز عن حديث رسول الله صلى الله عليه و سلم :

إنَّ اللهَ يبعثُ لهذه الأمَّة على رأس كلّ مائة سنة مَن يُجدّد لها دينها.

مَن هو مُجدّدُ هذا القرن؟

فقال رحمه الله:

))الشيخ محمد ناصر الدين الألباني هو مُجدّدُ هذا العصر في ظنّي والله أعلم ((.


وقال أيضاً:

)) لا أعلمُ تحت قُبَّة الفلك في هذا العصر أعلم من الشيخ((


Wuxuuna yiri al-Callaama sheekh Muqbil al-Waadici -Eebbe ha u naxariistee-:

Run ahaantii waxaan kula talinayaa arday kasta oo barta diinta inuu heysto kutubta sheekh Albaani, Eebbaana og inaan soo gato kitaab kasta oo soo baxa oo uu leeyahay sheekh Albaani, si aan uga faaideysano kutubtiisa.

-قال العلامة الشيخ مقبل الوادعي -رحمه الله

و إني أنصح كل طالب علم بالحرص على اقتناء كتب الشيخ , ويعلم الله أني ما أعلم بكتاب له يخرج إلا وبادرت إلى اقتنائه… .ويعلم اننا لا نزال نزداد علما بسبب كتب الشيخ


Wuxuuna yiri Sheekh Rabiic al-Madkhali -Eebbe ha dhowree- :

Aniga waxay ila tahay xagga akhriska kutubta sheekh Albaani inuu kaga dheereeyo Ibnu Taymiya iyo Ibnu Xajarba.

قال العلامة ربيع بن هادي المدخلي حفظه الله

أنا أرى في الإطِّلاع أنه ما لحقه لا ابن تيمية و لا ابن حجر

.في الاطلاع على الكتب

Dardaarankii sheekh Albaani[wax ka badal | wax ka badal xogta]

Waxaan u dardaarmayaa in loo hadiyeeyo kutubteyda oo dhan maktabada jaamacadda Islaamka ee Madiina almunawara.

Abaalmarintiisii

Waxay go'aamisay guddiga bixiya abaalmarinta caalamiga boqor Faysal ee diraasaadka Islaamka in la siiyo abaalmarinta sanadka 1419H = 1999M mowduuceeduna yahay "dadaaladii cilmiga ee lagu bixiyay Xaddiiska Nebiga c.s.w. hadday ahaan lahayd tifaftirid, soosaarid iyo baaritaanba" Maxamed Naasirud-Diin al-Albaani ee jinsiyada Suuriya haysta, iyadoo lagu sharfayo dadaaladiisii faraha badnaa ee uu ku bixiyay u adeegidda Xaddiiska Nebiga c.s.w. taasoo laga dheehan karo kutubtiisa ka badan boqolka.

Dhimashaddiisii[wax ka badal | wax ka badal xogta]

Sheekh Albaani wuxuu dhintey maalin sabti ah bishuna ahayd Jumaadil-aakhira 22kii sanadkii 1420 H oo ku beegnayd labadii bishii tobnaad sanadkii 1999 M, waxaana la aasay salaadda cishaha ka dib Eebbe ha u naxariistee.

Tixraacyo

Qofkii xiisaynaya ama doonaya macluumaad intaas ka badan oo ku saabsan Sheekha wuxuu u noqon karaa kutubta laga helayo Internetka ayna ka mid yihiin:

حياة الألباني وآثاره وثناء العلماء عليه

مع شيخنا ناصر السنة والدين (محمد ناصر الدين الألباني) مجدد القرن

Waxaana labadaas kitaab ee ka hadlaya taariikh nololeedkii Sheekh Albaani qoray laba Sheekh oo ka mid ah ardaydiisii Urdun.

[1]