Sheekh Maxamed Naasiruddiin Al-Albaani
Ka Wikipedia
Taariikh nololeedkii Sheekhul-Islaam Maxamed Naasiruddiin al-Albaani
Contents |
[Wax ka bedel] Imaam Maxamed Naasiruddiin Al-Albaani
wuxuu ka mid ahaa culimada ugu waaweyn ee muslimiinta ee waqtigan aan joogno.
[Wax ka bedel] Dhalashadiisii
Wuxuu dhashay sheekhul-Islaam Maxamed Naasirud-diin ina Xaaji Nuux al-Albaani sanadka Hijrigu markuu ahaa 1333 H. oo ku beegnayd sanadka Miilaadiga markey aheyd 1914 M. wuxuuna ku dhashay Ashqoodara oo ahayd magaalo-madaxdii Albaaniya xiligaasi. Reerka sheekhuna waxay ahaayeen qoys diinta ku dhaqma oo aabihiisna wuxuu ahaa sheekh dadka diinta bara. Sheekh Albaani wuxuu la soo qaxay reerkiisii oo la soo degey Dimishiq Suuriya, ka dib markii Axmed Saago ”boqorkii Albaaniya” ee xiligaasi uu qaatey ilbaxnimadii reer galbeedka ee ku dhisnayd in laga fogaado diinta ”Calmaaniyadda”.
Sheekhu wuxuu ku dhameystay waxbarashadiisii dugsiga hoose dugsi ku yaaley Dimishiq.
Sheekh Albaani aabihiis wuxuu baray Qur’aanka kariimka, sida loo akhriyo Qur’aanka ”tajwiidka”, afka carabiga (xeerarka afka ”naxwaha” iyo rogrogmadkiisa ”sarfiga”) iyo diinta ”madhabta Xanafiga”.
Sheekhu wuxuu kale oo uu ka bartay madhabta Xanafiga iyo afka carabiga barayaal kale.
[Wax ka bedel] Barashadiisii xadiiska
Sheekh Albaani wuxuu bilaabay barashada xadiiska markuu jirey labaatan sano. Kitaabkii ugu horeeyay ee uu ka barto cilmiga xadiiska wuxuu ahaa: "المغني عن حمل الأسفار في تخريج ما في الإحياء من الأخبار" ee uu qorey sheekh Al-Ciraaqi Eebbe ha u naxariistee.
Kutubtiisii ugu horeysey ee uu qoro waxaa ka mid ahaa: "تحذير الساجد من اتخاذ القبور مساجد" oo dhowr jeer la daabacay iyo "الروض النضير في ترتيب و تخريج معجم الطبراني الصغير" oo aan weli la daabicin.
Sheekh Albaani wuxuu leeyahay kutubo kale oo fara badan, waxaana ka mid ah: إرواء الغليل في تخريج أحاديث منار السبيل iyo سلسلة الأحاديث الصحيحة.
Culumadii saameynta weyn ku lahaa agtiisa waxaa ka mid ahaa sheekhul-Islaam ina Taymiya iyo ardeygiisii ina Qayim Eebbe ha u naxariistee.
[Wax ka bedel] Amaantii ay culimada amaaneen
Wuxuu yiri sheekhii ugu weynaa Sacuudiga ee hore sheekh CabdiCasiis ina Baaz Eebbe ha u naxariistee:
Ma jiro waqtigan aan joogno qof ka yaqaan sheekh Albaani nolosha nabiga ”cilmiga xadiiska” (NNKH).
[Wax ka bedel] Dardaarankii sheekh Albaani
Waxaan u dardaarmayaa in loo hadiyeeyo kutubteyda oo dhan maktabada jaamacadda Islaamka ee Madiina almunawara.
[Wax ka bedel] Dhimashadiisii
Sheekh Albaani wuxuu dhintey maalin sabti ah bishuna ahayd Jumaadil-aakhira 22kii sanadkii 1420 H oo ku beegnayd labadii bishii tobnaad sanadkii 1999 M, waxaana la aasay salaadda cishaha ka dib Eebbe ha u naxariistee.
Qore CabdiRisaaq Maxamed Cilmi "ina Warfaa"
http://www.freewebs.com/ina-warfaa/index.htm
