Xarardheere

Ka Wikipedia
U bood: gooshitaan, raadi

Xarardheere waa magaalo ka mid ah magaalooyinka gobolka Mudug uu ka kooban yahay isla markaana ku taalla dhinaca deexda. Magaaladani waxey ku taalaa dhinaca qorax ka soo bax ee bari.

Degmadaan waxaad ka jira ganacsi ballaaran oo dhinaca dalegyada beeraha kasoo baxa, xoolaha iyo weliba kalluumeysiga oo ah qeybta ugu weyn ee lacagta adagi kasoo,gasho dadka degaanka.

Degaamada hoos yimaada magaalada Xarardhere waxaa laga heli karaa ku dhowaad dhamaan qabiilada wada degan Somaaliya haba u kala badanaadeenee waxaana muuqata in magaalada iyo degaamada hoos yimaadaba ay ka badbaadeen colaadihii qabaa'ilka ee ka kacay guud ahaan Somaaliya gaar ahaanna gobolada dhexe ee Somaaliya, waxaana tani ka marag kaceysaa gabaygii Allaha u naxariistee Sayid Maxamed Cabdulle Xasan ku sifeeyey dadka leh degmada Xarardhere isagoo yiri ""HEYB AAN DIB LOO RAACIN IYO DAREB SARUUR BAA LEH"" Dowldii rayidka ahayd waxaa magaaladan kursigeedii Barlamaankii Somaaliya u doorteen Halgamaagii weynaa ee Somaaliyeed Allaha unaxariistee Mudane Maxamed Saciid Ciyoow ""Gentleman""

Magaaladaan ayaa waxaa kasoo jeedaa siyaasiyiin iyo hogaamiyeyaal miisaan culus ku lahaa guud ahaan taariikhda umadda Somaaliyeed waxaana ka mid ahaa:

Maxamed Saciid Ciyoow ""GENTLEMAN" oo ahaa xildhibaankii ugu horeeyey ee laga doortey magaalada Xarardhere wuxuuna ahaa ninkii matelayey magaaladaas iyo dadka ku noolba intii u dhexeysay sanadihii 1954-tii illaa iyo 1969-kii.

madaxweynihii hore ee Somaaliya CabdiRashiid Cali Sharmaarke, generaalkii ugu horeeyey ee ciidamadii Boliiska Somaaliya General Maxamed Abshir Muuse "Haamaan", Madaxweyne ku xigeenkii hore ee Somaaliya Generaal Xuseen Kulmiye Afrax, Generaal Salaad Gabeyre oo ahaa ku xigeenkii Maxamed Siyaad Bare markii afgambigu ku qabsadeen millaterigu, Cabdi Iidle Bacadoow oo hore usoo nqodey wasiirkii ugu horeeyey ee ganacsiga dowladii millateriga horaantii 1970-naadkii, iyo kuwa kaloo fara badan.