𝐂𝐚𝐰𝐧 𝐌𝐮𝐜𝐢𝐢𝐧 𝐚𝐥-𝐐𝐚𝐝𝐝𝐮𝐮𝐦𝐢

𝐂𝐚𝐰𝐧 𝐌𝐮𝐜𝐢𝐢𝐧 𝐚𝐥-𝐐𝐚𝐝𝐝𝐮𝐮𝐦𝐢, Waa daaci Islaami ah oo ka soo jeeda dalka Urdun. Waa guddoomiyaha guud ee machadka Al-macaarij ee deraasaadka sharciga ah iyo machadka Al-xawraa' ee diyaarinta iyo dhisidda oo labadaba ay xaruntoodu Urdun tahay. Waa aasaasaha shirkado adeeg iyo dacwadeed oo badan kuwaas oo gudaha dalka Urdun iyo dibeddiisaba ka hawlgala. Waxa uu si xooggan uga soo muuqdaa baraha bulshada iyo barnaamijyada telefishannada iyo idaacadaha, dhaqdhaqaaqyada dhallinyarada iyo diinta, sidoo kale waxa uu ka qaybqaata safarrada dacwadeed iyo shirarka lagu qabto caalamka Islaamka. Waxa uu buugaag farabadan ka qoray majaallada sharciga iyo dacwadda. Waxa uu ku dhashay Cammaan maalin Jimce ah 11 Ramadaan 1402 [𝐻𝑖𝑗𝑟𝑖𝑔𝑎] oo ku beegan 2 Julaay 1982.^[1]

𝐁𝐚𝐫𝐛𝐚𝐚𝐫𝐢𝐝𝐝𝐢𝐢𝐬𝐢𝐢 𝐢𝐲𝐨 𝐂𝐢𝐥𝐦𝐢-𝐫𝐚𝐚𝐝𝐢𝐬𝐤𝐢𝐢𝐬𝐢𝐢

Cawn al-Qadduumi waxa uu ku soo koray qoys aqooneed oo laga daneeyo akhriska, cilmi-baadhista iyo shaqa-dhaqameedda bulshada. Waxa uu aqoon ka faa'iidaystay aabbihii Dr. Muciin al-Qadduumi, oo derejada diktoornimada ka gaadhay cilmiga dhaqaalaha, qorayna buugaag badan oo aqoon guud iyo dhaqaale isugu jira, sidoo kalena akhristay buugaag tiro badan lana kulmay mufakiriin iyo gabyaa farabadan tan iyo yaraantiisii.

Kaddib waxa uu jaamacadda Urdun ka bilaabay waxbarashadiisii shareecada ee akademigga ahayd ee ugu horreysay waxa uuna ku takhasusay kulliyadda "usuul addiin". Sannadkii 2021-kii waxa uu dhammaystiray waxbarashada sare ee Master-ta, isaga oo ka diyaariyay Jaamacadda Islaamiga ah ee Beyruud ee ku taala dalka Lubnaan, cilmibaadhistiisaa oo uu ciwaankeedu ahaa ( Manhajkii Nebi Maxamed Naxariis iyo nabadgelyo korkiisa ha ahaatee ee Xakamaynta Bulshada Madaniga ah).

Waxa uu culuumta sharciga ah ee diiniga ah barasho ahaan iyo Ijaasad/oggolaansho ahaanba ka qaatay culimo badan oo ka mid ah ehlu sunna wal jamaaca, culuumtaas oo ku gudubta

Habka cilmiga ah ee raadsashada silsilad-sanadeed taxan illaa Rasuulka naxariis iyo nabadgelyo korkiisa ha ahaatee, hadday noqoto dhanka cilmiga, habdhaqanka iyo dacwaddaba, culimadaas uu cilmiga ka qaatayna waxa ay ku kala sugnaayeen dalalka Urdun, Suuriya, Lubnaan, Masar, Ciraaq, Yeman, Liibiya, Boqortooyada Sucuudi Carabiya, Imaaraadka, Turkiga, Falastiin, Soodaan, Marooko, Aljeeriya, Kiiniya, Malaysiya, Indooniisiya, Bataani, iyo dawlado kale.

𝐃𝐞𝐝𝐚𝐚𝐥𝐥𝐚𝐝𝐢𝐢𝐬𝐚 𝐈𝐲𝐨 𝐃𝐡𝐢𝐧𝐚𝐜𝐲𝐚𝐝𝐚 𝐔𝐮 𝐃𝐚𝐧𝐞𝐞𝐲𝐨

Waxa uu u socdaalay dalal badan isaga oo uu ujeedkiisu yahay cilmi-raadis, daahirinta nafta, iyo in uu dadka Ilaahay ugu yeedho. Waxa uu la kulmay culimo farabadan iyo hoggaamiyayaal ra'yiga iyo baraha bulshada hormood ka ah. Waxa uu daneeyaa dhinaca baraha bulshada, ka-qayb-qaadashadiisa, iyo cusboonaysiinta hannaanka dacwadeed ee dadka Ilaahay loogu yeedhayo, iyada oo arrintaas loo marayo qaybaha kala duwan ee baraha bulshada. Waxa uu ka soo muuqday barnaamijyo badan waxana lagu martigeliyay idaacadaha iyo kanaallada maxalliga ah, kuwa dalalka carabta, kuwa islaamiga ah iyo kuwo caalami ahba, si la mid ahna waxa si ballaadhan looga helaa bogagga internetka.

Intaa waxa dheer, waxa uu leeyahay waraaqo, buugaag iyo codad dhegaysi ah oo badan. Waxa uu ka qaybqaataa soo-jeedinta muxaadirooyinka dadweynaha ee jaamacadaha, ururrada dhallinyarada, khudbadaha Jimcaha, iyo golayaasha soo-noolaynta munaasibadaha diiniga ah iyo casharrada cilmiga ah. Sidoo kale waxa uu door muhiim ah ka qaataa hawlaha dacwadeed ee ururrada. Intaas waxa wehelisa, waxa uu gacan ka geystaa aasaasidda kanaallo telefishaneed iyo idaacado diini ah.

Sidoo kale waxa uu daneeyaa gundhigga culuumta ka warramaysa noloshii Nebi Maxamed (Naxariis iyo nabadgelyo korkiiaa ha ahaatee), ee loo yaqaanno Culuumta Nebiga. Waxa ka mid ah culuumta tilmaamaha, caddaymaha, fadliyada, khasaa'ista, iyo siirada, iyo weliba xalalkii Nebiga ee dhibaatooyinka caalamiga ah.

Sidaa si la mid ah, waxa uu aad u daneeyaa hannaanka cilmiga ah ee u adeegidda diinta (fiqhu-dacwa/فقه الدعوة), daaci-diyaarinta (ta'hiil al-dacawi/ تأهيل الدعوي) , isaga oo adeegsanaya barnaamijyo tababbareed oo taxane ah, kuwaas oo hoos imanaya manhajka dacwadeed ee gundhigga, diyaarinta iyo qaabaynta.

Waxa uu qoray mawduucyo fikir ah oo ku saabsan habka dadka Ilaahay loogu baaqayo, waxa uuna aasaasay barkulan-dacwadeed joogto ah oo lagu baadho arrimo aqooneed, dacwadeed iyo bulsheed.

𝐂𝐮𝐥𝐢𝐦𝐚𝐝𝐢𝐢𝐬𝐢𝐢

Waxa uu la kulmay in badan oo ka mid ah culimada iyo sheekhyada sabankan, kuwaas oo ka soo kala jeeda dalal kala geddisan.

Culimadaasi uu Ijaasada/oggolaanshaha ka qaatay waxa ka mid ah:

𝐔𝐫𝐝𝐮𝐧/𝐉𝐨𝐫𝐝𝐚𝐧

Sheekh Nuux al-Qudaah, muftigii hore dalka Urdun.
Saciid fuudah.
Cumar Sub Laban.
Yuusuf al-Catuum.
Shaxaadah al-dubayrii.
Yoons Xamdaan.
Cali Abu al-Caysh.
Khaalid al-Cabiisii.
Amiin al-Kiilaani.
Ibraahiim al-Faaluuji.
Caayish al-Xuuyaan.
Saari al-Tamiimi.

𝐁𝐨𝐪𝐨𝐫𝐭𝐨𝐨𝐲𝐚𝐝𝐚 𝐒𝐮𝐜𝐮𝐮𝐝𝐢 𝐂𝐚𝐫𝐚𝐛𝐢𝐲𝐚

Nabiil al-Qumri.
Maalik al-Carabi al-Sanuusi.
Daariq Sardaar.
Cumar Binu Xaamid al-Jiilaani.
al-Xabiib Shihaabuddiin Binu Cali al-Mashhuur.
al-Sayid Ibraahin al-Khaliifa al-Ixsaa'i.

Yeman

Al-Xabiib Cumar Binu Xafiis.
Al-Xabiib Saalim Al-Shaadiri.
Al-Xabiib Abubakar Al-Mash-huur.
Al-Xabiib Sayn Binu Sumayd.
Al-Xabiib Cumar Binu Maxamed Al-Saqaaf ( Aadan).
Al-Xabiib Maxamed Binu Cali Al-Juneyd.
Al-Xabiib Cali Al-Mash-huur Binu Saalim Binu Xafiid.
Al-Xabiib Cabdillaahi Binu Maxamed Binu Calawi Binu Shihaab.
Al-Xabiib Jacfar Binu Axmed Binu Muuse Al-xabashi.
Al-Xabiib Cali Binu Maxamed Binu Haadii Al-Saqaaf.
Sheekh Marci.

Falastiin

Mustafe Al-Sacaafiin.

Turkiga

Sheekh Maxamuud Afandi.
Maxamed Amiin Siraaj.
Mustafe Jawaad Aakshiid.
Saalax Al-Cabbaasi.
Cabdilxaq Afandi.

Marooko

Sheekh Daaha Cabdiraxmaan.

Masar

Maxamed Cabdilbaacis Al-Kattaani.
Idiris Al-Idiriisi.
Axmed Daaha Al-Rayaan.
Maxamed Mihnaa.
Yusri Jabri.
Macuud Ciwad Ibraahin.

Hindiya

Al-Subeer Binu Incaam Al-Xasan.
Sacad Binu Maxamed Haaruun Binu Maxamed Yuusuf Binu Maxamed Ilyaas.
Axmed Al-Laad.
Abubakar Axmed Al-Milyibaari.

Imaaraadka

Maxamed Cali Binu Cabdiraxmaan Al-khaalidi.
Ciise Al-Xumeyri.
Cabdirabbi Al-Nadaari.

Afgaanistaan

Sheekh Sheekh Jiihaan Al-Afqaani.

Muritaaniya

Maxamed Al-Yadaali.
Cabdillaahi Binu Bayyah.

Kurdistaan

Rashiid Kaak.

Ciraaq

Sheekh Cabdiqaadir Al-Caani.
Cabdilmalik Al-sicdi.
Khaliil Fayaad.
Khaliil Al-Jannaabi.
Adiibah Bintu Calaa' Siraajaddiin Al-Naqshabandiyi.

Liibiya

Caadil Al-Liibiyi.
Nimcaan Al-Sanuusiyi.
Jalaal Al-Jahaani.
Al-Malikah Faadumo Al-Sanuusiyi.

Lubnaan

Usaame Al-Rafaaci.
Maxamed Cali Al-Baaruudi.

Suuriya

Maxamed Mudiic Al-Xaafid Al-Mash-huur ( Bidbas
Wa Sayt).
Axmed Binu Cabdillaahi Siraajuddiin.
Maxamed Fu'aad Saliim Daaha.
Jamiil Al-Baydaar.

Al-Jeeriya

Cabdiladiif Bilqaa'id.

Soodaan

Sheekh Al-Yaaquut Al-Sheekh Maxamed Al-Sheekh Maalik.

Shaqooyinkiisa Iyo Dhaqdhaqaaqyadiisa

Mashruucyada iyo shaqooyinka Hay’adaha:

Waxa uu aasaasay hay’ado badan oo aqooneed, dacwadeed iyo kuwo bulsheed oo ka kala hawlgala meelo kala duwan oo ay ka mid yihiin ah Urdun, Turkiga, Bariga Afrika, iyo Indooniisiya.

Hay'adahaasna waxa ka mid ah:

Shirkadda Al-Macaarij ee Tababarrada iyo La-talinta.
Machadka al-Macaaarij ee deraasaadka Shareecada oo ay faracyadiisu ku yaallaan Somalilaan, Turkiga, iyo Indooniisiya.
Xarunta Al-xawraa' ee Cilmiga Shareecada ee Haweenka.
Xarunta Qiblah ee La-talinta arrimaha cilminafsiga iyo Qoyska.
Ururka (Masaabat Al-ictidaaal/مثابة الإعتدال) ee cilmiga shareecada.
Urur-aqooneedka Haweenka ee Al-xawraa'.
Xarunta Haashimiyada ee deraasaadka culuumta Nebiga.
Ururka Isku-filaanshaha ee Horumarinta Bulshada (جمعية الإكتفاء الذاتي للتنمية الاجتماعية)
Urur-dhaqameedka Rabiic Al-muxibbiin.
Ururka Samafalka ee Al-cawn ee Soomaalilaan.
Shirkadda Daar Al-Muciin ee Daabacaadda, Faafinta, iyo Daraasadaha.
Shirkadda Ma'aasir ee Qabanqaabinta Safarrada (مآثر لتنظيم الرحلات)
Shirkadda Al-iksiir ee Xalalka Ganacsiga.
Jikada Ibraahim Al-khaliil (jiko wax-soo-saar)
Bakhaarka Juuna ee iibinta agabka qurxinta iyo cumaamadaha.
Tukaanka Al-hhayraat.
Mu'sasadda was-soo-saarka warbaahineed ee Al-bayaariq.
Idaacadda iyo Telefishanka Maxabbah.
Kormeerka Taxawul (مرصد تحول) ee Turkiga.

Safarrada Iyo ka-qaybqaadashooyinka

Waxa uu ka qeybgalay safarro badan iyo shirar kala duwan oo ka dhacay waddammada Carabta, Turkiga, Koonfur-Bari Aasiya, Bariga Afrika, Talyaaniga, iyo Jili.

Shirarka ugu muhiimsan waxa ka mid ah:

Shirkii afaraad ee Caalamiga ahaa ee Tasawufka oo ka dhacay Urfa,Turkiga 2014.
Barkulanka Fiqhu Al-taxawulaat oo ka qabsoomay Xadramuut, Yeman.
Shirweynaha Cilmiga ee Al-cqaba —shirkii koowaad iyo labaad.
Barkulankii labaad ee caalamiga ahaa ee daaciyiinta oo ka dhacay Keerala, Hindiya.
Shirweynaha Difaaca Dalka oo ay soo qabanqaabisay Wasaaradda Difaaca ee Indooniisiya iyada oo kaashanaysay Ururka la aqoonsanyahay ee Al-dariiqa Al-nahdiyah 2016.
Shirweynihii Caalamiga ahaa ee Tasawufka oo lagu qabtay Boqortooyada Marooko.
Barkulanka Caalamiga ah ee Tasawufka oo ka qabsoomay( Pekalongan), Indooniisiya 2019.
Shirweynaha Caalamiga ah ee Tasawufka oo lagu qabtay Baqdaad, Ciraaq 2024.

Wax-qabaydyada

1. Dawrooyinka Cilmiga Waajibka ah

Waa dawrooyinka ay barashadooda qofka kaga dhacayso inta cilmiga ku waajibka ah. Waxa muddo toban sanno ah dhigtay/ku biiray in ka badan 5000 oo iskugu jirra rag iyo dumarba.

Waxa uu hadafka dawrooyinkani ahaa bararashada seeska diinta ee ku saabsan Iimaanka/Caqiidada, Islaamka/Fiqiga, Ixsaanka/Dahirinta nafta.

2. Nidaamka Labada sanno

Waa qaab uu ardaygu ku dhiganayo 16 cilmi oo dwrajooyin kala leh, oo xifdi iyo cilmi-baadhis ay ku ladhanyihiin.

3. Diyaarinta Daaciga

barnaamijka tababarka daacigu Waa afar darajo oo leh dawrooyin oo ah gundhigga dacwadda, barashadeeda, iyo xambaaridda hammigeeda, intaa kaddib waxa la gudagalaa barnaamij lagu diyaarinayo daaciga iyada oo la dhisayo xirfadihiisa, loona dirayo hawlo dacwadeed oo uu ka kasbado khibrad, intaa dabadeed waxa loo qalqaaliyaa diirad-saaridda heerarka loo-baaqayaasha ( مراتب المدعوّين ), luqadda hadaljeedinta iyo ku-takhasusidda shaqada dacwadda, kaddibna waxa uu u banbaxaa qaabaynta iyo dhisidda hawlaha dacwadeed ee mu'sasadeed iyo kormeerkooga.

4. Barnaamijka guga muxibbiinta

Waa barnaamij bulsheed oo bilaabmay sanadkii 2010, ahmiyadfiisuna ay tahay noolaynta labada bilood ee Rabiicu Al-awal iyo Rabiicu Al-saani sannad kasta, laguna nooleeyo golayaal iyo xaflado salliga nebiga laga akhriyo waxana lagu qabtaa gobollada kala duwan ee dalka Urdun, barnaamijkan waxa lagu hirgeliya mu'asasadaha masaajiddada iyo guryaha halkaasi oo ay yimaaddaan warbaahinta qaybaheeda Kala duwan hadday noqoto telefishan, idaacad iyo noocyada kale ee baraha bulshada. Bartilmaameedka barnaamijkani waa in dadka hab casriyaysan loo baro jacaylka iyo akhlaaqda Nebiga—naxariis iyo nabadgelyo korkiisa ha ahaatee.

5. Noolaynta munaasibadaha

Noolaynta munaasibadaha diiniga ah iyada oo la hirgelinayo barnaamiyo kala geddisan sanadka gudihiisa, taas oo looga gol leeyahay in lagu dhegganaado ahaanshaha diiniga ah iyo faafinta jacaylka.

6. Safar-dacwadeedka Caalamiga ah

Waa safar sannadle aha qabto oo imika lixjirsaday, safarkaasi oo ay ka qaybqaataan qaar ka mid ha culimada, muftiyada iyo daaciyiinta, iyaga oo ku soo wareegaya dhawl dal isna dhaafsanaya waaya'aragnimo, gudanaya waajibka dacwadeed isla markaana kor u qaadaya xirfaddooda.

7. Cumrada Dhaxalka Nebiga

Waa cumro ka kooban booqoshada aasaarta diiniga ah ee Nebiga—naxariis iyo nabadgelyo korkiisa ha ahaatee— ee taalla labada xaram ee shafta leh iyada oo ay la socdaan barnaamijyo iimaani ah oo Kala duwan, fadhiyo ruuxi ah oo ay goobjoog ka yihiin culimo iyo hanuuniyayaal. Tirada safarradaasi waxa ay kor u dhaaftay 40 safar, waxana ka mid ah safarro qoys iyo kuwa dhallinyareed. Waxana aan iyana halkaasi ka maqnayn waxqabadyo iyo tartanno aqooneed.

8. Barkulanka Al-khuwaysah

Waa kulan sannadkii laba goor la qabto mid ka mid ahina uu caalami yahay. Kulankan waxa lagaga arrinsadaa sidii looga dhabayn lahaa farriinta halkudhigga ah ee [Diinta gebi'aanteed oo adduunka gebi'aahntii lagu soo nooleeyo] iyo kor-u-qaadidda shaqada ururrada dacwadeed, waxana uu Shirkani qabsoomay in ka badan 17 jeer.

9 . Barkulanka (Mujtamacu maxabba)

Waa kulan dawro ah oo uu ujeedkiisu yahay diyaarinta (safiirrada Nebiga) Waa sida lagu magacaabay e'. Barkulankaasi waxa uu ka soo bilaabmay 2023 waxa uuna ku taagan yahay manhaj ka kooban 7 heer, laguna beegsanayo in lagu soo saaro safiirro faafiya siirada Nebiga naxariis iyo nabadgelyo korkiisa ha ahaatee.

10. barnaamijka (isku-filnaanshaha)

Waa mashruuc ku saabsan in shakhsiyaadka iyo ururradu ay daneeyaan ganacsiga xoolaha, beeraha iyo warshadaha wax-soo-saarka si ay u helaan ilo dhawaale oo ay ku tiirsanaadaan xilliyada ay dhibaatooyinka dhaqaale jiraan, maciishadduna ay adagtahay.

Mashruucan waxa taabbageliyay koox loogu talagalay in u adeegaan aragtida isku-filnaanshaha, kooxdaas oo ku aroorta machadka Al-macaarij ee Deraasaadka Sharciga ah iyo sidoo kale mu'asasad qabata adeegyada la-talinta iyo xalalka maaliyadeed.

11. Mashruucyada Beyt Al-maqdas

Waxa uu sheekhu qoray kutab dhawr ah, oo ay ka mid yihiin "القدس مبنى ومعنى" waxa kale oo uu aasaasay barnaamijka "عبادًا لنا" waxa kale oo uu leeyahay sheekhu barnaamijyo Yuutuyuubka ku duuban oo uu ka mid yahay barnaamijka "بين يدي العالمية الإسلاميّة الثانية" Sidoo kale waxa uu aasaasay mashruuca (beytu Al-maqdas) si uu beytul-maqdaska ugu adeego kana shaqeeyo dhinacyada wacyigelinta, qeexidda iyo gundhigga, sidaa si la mid ah, waxa uu xoogga saarayaa in uu kor u qaado wacyiga ku gadaaman beytul-maqdaska hadday noqoto tagtada, taaganta iyo timaaddada intaba, iyo kaalinta ay Haashimiyiintu ku leeyihiin.

Kutubta Uu Sheekhu Qoray:

Sheekh Cawn Al-Qadduumi si guud waxa uu ugu xeeldheeryahay culuumta Nebiga, waxa uuna ka qoray Kitaab loo tixgeliyo in uu yahay albaabka laga soo galo shanta cilmi ee uu u bixiyay (Culuumta Nebiga/العلوم النبوية), kitaabkaasi oo saddex goor la daabacay loona turjumay luqadaha Ingiriisiga iyo Malaawiga.

Sidoo kale waxa uu sheekhu aad u daneeyaa cilmiga Fiqhu Al-taxawulaat, waxana uu ka qoray kitaab uu magiciisu yahay (مقالات في فقه التحولات); si ay qormooyinkaasi u noqdaan xuddunta dhaqangelinta/dabbaqidda cilmigan.

Sidoo kale waxa uu leeyahay kutub badan oo ka hadlaysa majaalka dacwadda waxana ugu caansan kitaabka la yidhaa (معالم الدعوة المحمدية) oo uu ku ururiyay kuna sharraxay afartan xadiis oo ku saabsan fiqhiga dacwadda Ilaahay gundhig ahaan, diyaarin ahaan iyo qaabayn ahaanba.

Tirada buugaagta sheekha ee la daabacay waxa ay ku dhawdahay konton kitaab, in kasta oo ay ka mid yihiin kuwo weli ay daabacaaddoodu socoto. Kutubta uu sheekhu qoraya ayaa ah kuwo mawduuc ahaan kala duwan oo isugu jira tasawuf, salawaad, maqaasidda cibaadooyinka, culuumta Qur'aanka, mawduucyada Ramadaaniga ah, iyo kutub ka hadlaysa mashruucyadii Nebiyada ee xoraynta beytul-maqdas iyo silsilad/taxane ka hadlaya tilmaamihii Nebi Ciise—Nabadi korkiisa ha ahaatee— iyo kutub kale oo ay daabacday shirkadda daabacaadda, baahinta iyo deraasaadka ee Daaru Al-muciin.

Barnaamijyada Idaacadda Iyo Telefishanka:

Daaci Sheekh Cawn Al-Qadduumi waxa uu leeyahay in ka badan labaatan barnaamij oo telefishan iyo idaacad isugu jira oo laga baahiyay gudaha dalka Urdun iyo dibeddiisa oo dalalka Carbeed ah. Barnaamijyadaasi waxa ay ka koobnaayeen mawduucyo kala duwan, sida dacwadda Ilaahay, daahirinta nafta, (fiqhu al-munaasibaat), culuumta Nebiga, fiqiga qoyska iyo mashruucyadii Nebiyada ee xoraynta beytul-maqdas.

Barnaamijyada waxa ugu caansan:

Barnaamijka Dacwadda dhammayska ah ( الدعوة التامة) oo laga sii daayay kanaalka ( الإرث النبوي)
Barnaamijka Gurigii Nebiga ( البيت النبوي) oo laga sii daayay kanaalka ( التلفزيون الأردني)
Barnaamijka Addoomahayaga ( عبادا لنا) oo laga baahiyay kanaalka ( إقرأ)
Barnaamijka (وهذا النبي) oo laga sii daayay kanaalka ( التلفزيون الأردني)
Barnaamijka ( نسيم السحر) oo ay baahisay idaacadda ( حياة إف ام)

Sidoo kale daaciga Sheekh Cawn Al-Qadduumi waxa uu dhawr barnaamij ku waraystay mufakirka Al-Xabiib Abubakar Al-Cadani Ibnu Cali Al-Mash-huur, barnaamijyadaa oo qaar ka mid ah ay ciwaannadoodu kala ahaayeen: Al-mirsad al-Nabawi iyo Al-Bayaariq, labadaa barnaamijna waxa lagu duubay kanaalka ( الإرث النبوي)

Dalalka Ugu Muhiimsan Ee Uu Sheekhu Ku Soo Maray Safarradiisii Dacwadeed

Yeman

Safarro badan oo ka soo bilaabma 2003, isaga oo halkaasi kula kulmay culimada Yeman kuna qabtay casharro, muxaadirooyin, iyo waraysiyo telefishan.

Masar

safarro tiro badan oo ka soo bilaabmay 2006 illaa maantana socda, kuwaas oo uu ku qabto muxaadirooyin ka dhaca Jaamadda As-har iyo goobaha cilmiga ah ee ku xeeran, waxa uu halkaasi kula kulmaa culimada iyo dadkeeda saalixiinta ah. Safarradiisaa waxa ku gudajira booqashada gobollada, maqaamyada iyo xarumaha taariikhiga ah.

Waxa uu ka qaybqaatay aasaasiddii kanaalka (dhaxalka Nebiga/ الإرث النبوي), waxana lagu martiqaaday kulanno farabadan oo saxaafadeed oo ay ugu dambaysay bishii 5aad sannadkii 2024, xilligaas oo ay kulmeen Sheekhul az-harka imaam Axmed al-Dayib.

Soodaan

Saddex safar oo ka soo bilaabmaya 2014, isaga oo ka qaybgalay xuska dhalashada Nebiga—naxariis iyo nabadgelyo korkiisa ha ahaatee— oo lagu qabtay fagaarayaasha waaweyn ee uu dadweynuhu isugu yimaaddo, taas oo qayb ka ah xuska dhalashada Nebiga—naxariis iyo nabadgelyo korkiisa ha ahaatee— ee sannadlaha ah ee dariiqooyinka suufiyada.

Marooko

Sannadkii 2022 safar dacwadeed ayaa uu ku tegay waddanka Marooko/Maqfib isaga oo booqday (Daaru al-baydaa'/ دار البيضاء) kuna soo wareegay Marraakish, Danjah, Al-caraa'ish iyo magaalooyin kalaba.

Tuuniisiya

Safarro badan oo ay ugu dambaysay sannadkii 2016, halkaasi oo uu ku qabtay barnaamijyo kala duwan iyo muxaadirooyin uu ka soo jeediyay Al-seytuuna iyo goobo kale oo hay'adaha rasmiga ah iyo kuwa caalamiga ah ka mid ah.

Ciraaq

sannadkii 2023 waxa uu ka qaybgalay xuska dhalashada Nebiga—naxariis iyo nabadgelyo korkiisa ha ahaatee— ee lagu qabtay xadrada qaadiriyada ee ku taalla Baqdaad, kaddib markii uu martiqaad sharaf leh ka helay maamulka xadrada qaadiriyada.

Waxa uu ka qaybgalay shirweynaha caalamiga ah ee tasawufka ee ay qabatay xadrada qaadiriyadu iyada oo kaashanaysa (Sunni Diwan Endowment/ديوان الوقف السني) oo uu gadhwadeen ka ahaa ra'iisul wasaaruhu.

Imaaraadka

safarro dhawr ah oo ay ku weheliyaan tiro culimo ah iyo muftiga awqaafta Dubay, iyo golayaal uu isagu martiqaadkoogu lahaa.

Lubnaan: Safarro dhawr ah iyo waxbarashada Mastarta oo uu halkaasi ku diyaariyay, safarkiisii ugu dambeeyayna waxa uu ahaa bishii 5aad sannadkii 2024, shirkaas oo koobsaday muxaadirooyin iyo kulanno.

Dalalka Yurub

1. Safar dacwadeed oo uu ku tegay Talyaaniga, (Turin) sannadkii 2011.

2. Safar dacwadeed oo uu ku tegay Talyaaniga, magaalooyinka kala ah( Verona, Padua, Turin, L'Aquila, Terno, Milan) iyo magaalooyin kale sannadkii 2011.

Dalalka Bariga Aasiya

Safarro badan oo ku tegay dalalka koonfur-bari ee Aasiya ( Indooniisiya, Malaysiya, Singabuur, Taylaand), laga soo bilaabo sannadkii 2013 illaa maalinkan maanta ah, safarradaas oo uu kaga qaybqaato shirweynayaal, sida shirweynaha difaaca dalka oo ay qabato wasaaradda difaaca ee Indooniisiya iyada oo kaashanaysa ururka (Al-dariiqatu al-nahdiyah/ جمعية الطريقة النهضية) ee laga aqoonsanyahay Indooniisiya sannadkii 2016, shirka caalamiga ah ee tasawufka ee ka qabsoomay Pakalongan/Indooniisiya. Waxana ugu dambaysay markii uu guddoomiyaha ururka nahdatu al-culamaa'/ نهضة العلماء uu ku martiqaaday xafladda xuska dhalashada Nebiga—naxariis iyo nabadgelyo korkiisa ha ahaatee— sannaskii 2023, waxana la falgalay tiro badan oo ka mid ah ururka Nahdatu al-culamaa', iyaga oo soo booqday goobaha diiniga ah ee dalka Urdun kaddib markii ah barteen Sheekh Cawn al-Qadduumi, waxaanay soo direen tiro ardaydooda ka mid ah si ay wax uga bartaan jaamacadaha Urdun iyo machadka Al-macaarij.

Turkiga

Safarro badan oo kala duwan oo uu ku soo maray gobollada Turkiga isaga oo ka qaybqaatay arrimo aqooneed, muxaadirooyin, shirar iyo kulanno uu la yeeshay culimada iyo dadka saalixiinta ah ee dalka Turkiga, safarradii ugu dambeeyayna waxa ka mid ahaa sannadkii 2023 oo uu aasaasay (Mujtamac Al-maxabba/ مجتمع المحبة) oo ay weheliso baridda iyo xoojinta culuumta Nebiga iyo ruuxda jacaylka ee caalamkan aynu maanta joogno. Safarkaasi waxa ka xigay safarro dhawr ah.

Hindiya

Safar dacwadeed iyo ka qaybgalka barkulanka caalamiga ah ee daaciyiinta sannadkii 2016, waxa kale oo uu ka qaybqaatay xafladda xuska dhalashada Nebiga—naxariis iyo nabadgelyo korkiisa ha ahaatee— ee [Shad Al-carab] oo ay ka soo qaybgaleen in ka badan hal milyan oo qof, xafladdaasina waxa sheekha si sharaf leh ugu martiqaaday muftiga dalka Hindiya Sheekh Abubakar Axmed Alle ha ilaaliyo e'.

Itoobiya

waxa uu booqasho ku tegay dalka Itoobiya isaga oo booqday caasimadda Addis Ababa, kaddibna Sayid Najaashi ayaa uu ku soo booqday magaalada Shire ee uu ku aasanyahay, halkaasi oo ay si heersare ah ugu soo dhaweeyeen qoomiyadda Tigreeygu.^[2]

Intaa dabadeed, waxa uu kacay Herar waxa uuna la kulmay culimada halkaasi, sidoo kale waxa uu booqday Sayid Abaadar iyo madarasadda Axmed Binu Xambal.

Dalalka Kale Ee Uu Sheekhu Booqday Waxa Ka Mid Ah:

Bangaaladhish, Jili, Aljeeriya, Suuriya, Iswiiserlaan iyo Ingiriiska.

Safarradan iyo booqashooyinkanina waxa ay lahaayeen raad weyn iyo waxyaabo badan ooay la gaar ahaayeen, waxana ka mid ah:

1. Ceelal-biyoodyo badan oo Afrika laga furay, kuwaas oo ay ka soo dhaansadaan qabaallada duurka ku nool ee ay biyala'aantu haysato.

2. Aasaasidda mu'sasadda Bariga Afrika ee machaddada sharciga ah.

3. Dhagaxdhigga Ribaad Al-macaarij ee Soomaalilaan.

4. Dhisidda dhawr masjid oo Afrika ku yaalla.

6. Machadka Al-macaarij ee deraasadaha sharciga ah oo farac looga furay magaalada (Yalova) ee dalka Turkiga.

7. Sharci-u-samaynta ganacsiyo iyo ururo dacwadeed oo laga hirgeliyay dalka Turkiga waxana ka mid ah:

Daar al-Muciin ee daabacaadda, baahinta iyo deraasaadka, bakhaarka Juuna (Jona Store), shirkadda Ma'aasir ee qabanqaabinta safarrada( شركة مآثر لتنظيم الرحلات).

Sidoo kale waxa hu sheekh Cawn safarro dacwadeed ku gaadhay dalalka kala ah:

Bariga Aasiya: Malaysiya, Taylaan, Indooniisiya, Singabuur.

Bariga Afrika: Soomaaliya, Soomaalilaan, Sansibaar, Tansaaniya, Yugaandha iyo kiiniya.