Cabdulle

Cabdulle عبدلي  (Af-Carabi) Abdulle  (Af-Ingiriisi)
Cabdulle – farac katirsan Abtoow
Astaanta Cabdulle Astaanta Cabdulle
Qowmiyad	Soomaali
Meelaha ay dagaan	Soomaaliya Itoobiya Kiinya
Kasoo farcmey	Cabdulle Abtoow Muuse
Qabiilka waalidka	Abtoow
Jinsi	Cabdullawi (raga) Cabdullawiyad (dumarka)
Laamaha	Subugle Cabdulle Shiiqdoon Docooy Aw Raamey Waceys Cabdulle Cabuure Hidoor Yoonis
Luuqada	Af-Soomaali, lahjada (Af-Shabeelle)
Diinta	Islaam Sunni

Cabdulle oo sidoo kale loo yaqaan (Beesha Cabdulle) ama si fudud (Reer Cabdulle), waa farac ka mid ah Abtoow, oo ah jilib ka tirsan Reer Muuse. Oo ah beel-hoosaad ka tirsan beesha Reer Geedoow, oo ah mid ka mid ah beelaha Reer Shabeelle ee dadka Soomaalida.

Dhame ka tirsan ciidanka xoogga dalka Soomaaliyeed. Gaar ahaan garyaqaanada maxkamada ciidamada qalabka sida. Dhame Yoonis Cabdullaahi Cumar Ciid. Xubin Cabdulle ah, oo Subugle ah

.

Gudoomiyihii hore ee Waaxda Horseed, D. Waaberi ee G. Banaadir. Marxuum Mahad Saalax Kunin A.U.N. Xubin Cabdulle ah, oo Waceys ah

.

Taariikhda

Cabdulle waa dad Soomaaliyeed oo galaangal iyo taariikh fac weyn ku leh gobolka Qallaafe. Qarnigii 18aad ayay hoggaanka u hayeen saldanooyin dhowr ah oo ka soo ifbaxay hareeraha webiga Shabeelle.

Xilligii dhexe ee qarnigii 18aad iyo 19aad, waxay caan ku ahaayeen hodantinimada dhanka beeraha, xoolaha iyo ganacsiga gudaha gobolka Qallaafe. Waxay sidoo kale ahaayeen hormuudka dhaqaalaha iyo maamulka bulshada deegaankaas.

Waxa ay aasaaseen tuulada qadiimiga ah ee Arjac, taas oo noqotay xaruntooda ugu weyn, isla markaana ahayd meel lagu yaqaan diinta, cilmiga, barwaaqada iyo ganacsiga.

Nabaddoonada soo maray

1. Nabadoon xaaji Cabdulle Dhiirsi Shiiqdoon Subugle Cabdulle.

2. Nabaddoon Cabdi Qaaris Aaroow Docooy Subugle Cabdulle.

3. Nabaddoon Maxamed Cabdi Qaaris Aaroow Docooy Subugle Cabdulle.

4. Nabaddoon Sharguul Nuurqeyr Xuseen Dhiirsi Shiiqdoon Subugle Cabdulle.

5. Nabaddoon Gacaloow Khaliif Cabdi Keenadiid Mareexaan Aw Aadan Dhiirsi Shiiqdoon Subugle Cabdulle (hadda xilka haya). Waa nabadoonka Cabdulle iyo guud ahaan beesha Reer Geedoow ee Itoobiya.

6. Nabaddoon Cabdullaahi Cumar Ciid Qaaris Aaroow Docooy Subugle Cabdulle. Waa nabadoonka ee Cabdulle iyo guud ahaan beesha Reer Geedoow ee Soomaaliya (hadda xilka haya).

Deegaanada

Cabdulle waxay ku badan yihiin gobolka Qallaafe iyo hareeraha Webiga Shabeelle. Deegaanada ugu waaweyn waxaa ka mid ah:

• Arjac — xarunta ugu weyn ee Reer Cabdulle
• Kurtumaaleey
• Buula Malis
• Balada Aamin
• Yaasiin Laawe
• Dhuun-Gal
• Isma Rabo
• Maroodiley (Dabeyl-Yaaboow)
• Dariiqo

Sidoo kale waxa ay aad u deganyihiin gobolka Banaadir, gaar ahaan degmada Waaberi.

Dhaqaalaha iyo nolosha

Dhaqaalaha ugu weyn ee Cabdulle wuxuu ka yimaadaa beeraha iyo ganacsiga. Waxay ku tiirsan yihiin Webiga Shabeelle oo ay ka helaan waraabka beeraha iyo nolosha maalinlaha ah. Sidoo kale, ganacsiga iyo xoolaha nool ayaa qayb weyn ka ah dhaqaalahooda.

Sidoo kale eeg

• Reer Shabeelle

• Reer Geedoow

• Reer Muuse

• Reer Abtoow

• Sheekhaar

• Arjac

Xigashooyin

• Odiyaasha dhaqanka Cabdulle ee Qallaafe.

• Taariikhyahannada Cabdulle ee Soomaaliya.

• Wareysiyo lala yeeshay, xubnaha haya taariikhaha afka lagu kala qaato ee Cabdulle ee Itoobiya iyo Soomaaliya.