Gabaygii: Haw u tagin shisheeyaha, abwaan kulmiye

Gabaygan waxaa uu tiriyey adan kulmiye wuuxuna tiriyey 23 juley 2025kii, waxayna ka hadlaysa maansada tahriib halistiisa iyo tala uu siinayo abwaanka dhalanyarada aadaysa tahriibka, wuxuu yiri:

Tada gabayga waa taan ka tagay taada iyo wowga

Tixdeeda baa la ogaa inaan taajir ku ahaaye

Tiigsadow maqal tuduca adaan kuu tabinayaaye

Tobaneeyo jeer baan idhiye toogashada daaye

Tawakal ilaahay asaa turuqa maamula e

Oo keligiisa tuug markaad talaba weydaaye

Haw tagin nimaan kuu tareen kumi iyo taane

Tolkaadan ogeyn inaad tacabbirku aadaaye

Taylan iyo kuwa doonin inaad taa'ib noqotaaye

Oo tagagsiga ku jirto dooniyo nolol taagdarane

Tusmooyinaan jiriniyo haddii laguu tusaaleeyey

Taageero badaniyo haddii laguu tilmaamaayo

Taakulaynta gaalkiyo hadday kuu daliil tahaye

Tusmeyso taariikhdiyo kuwa taambuuggu heline

Tanaad iyo haddaad doonayso taajir maal badane

Ama tayse nololeed iyo inaad tamashle aadaaye

Tacabkaaga beero inataad tagoogo leedahaye

Tab iyo baro taawiisha adaa taajirkaa noqone

Intaa waa talo iyo waxaan kuu tilmaamaayey

Tu kale intaan u gudub haddaan tuulka yara aado

Ee u toog haay tuduca adaa xaajadaa tabane.

Kol hadday ku tidhi niyaddu kaalay soo tumo e

Oo tolkaaga kula ogayn inaad taako soconayso

Tiisigaaga kula weyn oo tookalaan aragahayn

Socdaal tankaaga ahayn aad ciidda tumayaysto

Oo qaadi kari hayn tallaabada oofka maad tebine

Sidii toddobaantan jira baa tiigsigaa wadane

Taayimkaa lumiyey saxaraha liibya kuu tagane

Midaan tolkaaga garan wixii doolar kuu tumaba

Tuuggii cawaandiga wixii talis ku geeyaaba

Tagoogaha intuu kaa xidho wixii taarad kuu sugaba

Oo tiimkiisa kula tago wixii lagu tokooraaba

Nimaan tabarba kuu hayn wixii tala ku siiyaaba

Tagtaye maxay kuu tari aan lagu tawaawayne

Tollayeey iyo haddaad tiraa tabar laguu hayne

Haw tagin shisheeyaha haddaan talo ku moogayne.