Harada Guiers
| Harta Guiers | |
|---|---|
 | |
| Meesha dhacdo | 16°15′N 15°50′W / 16.250°N 15.833°W |
| Wadanka biyo fadhiisiga | Senegal |
| Max. length | 35 km (22 mi) |
| Max. width | 8 km (5.0 mi) |
| Baaxada biyaha | 17,000 ha (42,000 acres) |
Lac de Guiers ama Harta Guiers waa haro ku taal waqooyiga Senegal, dhanka koonfureed ee magaalada Richard-Toll iyo gudaha gobollada Louga iyo Saint-Louis.[1] Waa isha ugu weyn ee biyaha macaan u siisa magaalada Dakar, oo boqolaal kiiloomitir dhanka koonfur-galbeed ka xigta, iyada oo loo marinayo tubooyin dhulka hoostiisa mara.
Waxay dhererkeedu yahay qiyaastii 35 kiiloomitir, ballaceeduna waa 8 kiiloomitir, waxaana biyaha ka hela Ferlo ama Webiga Bounoum, kaas oo u qulqula dhanka waqooyi una soo gala dhammaadka koonfureed ee harada, isagoo ka yimaada Fouta xilliga roobaadka.[xigasho u-baahan] Biyuhu waxay u bahaan dhanka Webiga Senegal ee waqooyiga iyagoo dhex mara kanaalka Taouey, kaas oo la toosiyay laguna sameeyay marin biyeed marka uu dhex marayo Richard-Toll. Biyo-xireen ayaa la dhisay sannadkii 1916 si looga hortago inay soo galaan biyaha milixda leh.[2]
Xeebuhu inta badan waa kuwo carsuur leh. Xeebta waqooyi iyo deegaanka ku xeeran waxaa loo beddelay aag ballaaran oo sonkorta lagu beero kaas oo lagu waraabiyo biyaha harada.
Lac de Guiers waxaa u aqoonsaday Aagga Shimbiraha Muhiimka ah ururka BirdLife International; noocyada ugu muhiimsan waa shimbirta lesser flamingo (Phoeniconaias minor), glossy ibis (Plegadis falcinellus), Eurasian spoonbill (Platalea leucorodia), African spoonbill (Platalea alba), white-winged tern (Chlidonias leucopterus) iyo river prinia (Prinia fluviatilis).[1]
Haradu waxay leedahay taariikh murugsan oo ay ku lug leeyihiin boqortooyadii Tekrur iyo Waalo iyo Boqortooyadii Jolof (Diolof). Si gaar ah, deegaanka N'Der, oo ahaa caasimaddii saddexaad iyo tii ugu dambaysay ee Boqortooyadii hore ee Waalo, wuxuu ku yaallay xeebaha galbeed ee Harada. Qasrigii boqortooyada ama "keur" ayaa weli halkaas ku yaal. Sannadihii hore Lac de Guiers waxaa loo ogaan jiray Lac du Panier Foule ama Pania Fuli, iyadoo loogu magac daray qowmiyadda Fula.[3]
Tixraac
[wax ka badal | wax ka badal xogta]- 1 2 BirdLife International: IBA Factsheet: Lac de Guiers
- ↑ Britannica: Lake Guier
- ↑ In Fula: Fulɓe; in Af Faransiis: Peul or Peulh.