Sheekhtooyo

Sheekhtooyo waa nidaam dowladeed oo Islaami ah, kaas oo madaxa ugu sarreeya uu yahay Sheekh. Nidaamkan wuxuu isku daraa hogaamin diineed iyo siyaasadeed, iyadoo go’aannada dowliga ah lagu saleeyo shareecada Islaamka.

Sheekha

Sheekha waa hogaamiyaha ugu sarreeya ee Sheekhtooyo. Mas'uuliyadiisu waa laba dhinac oo muhiim ah:

1. Arrimaha diinta

• Hagidda bulshada si waafaqsan shareecada Islaamka.

• Dhiirrigelinta waxbarashada diined iyo dhaqanka Islaamiga ah.

• Xalinta khilaafaadka diineed iyo la-talin bulsho.

2. Arrimaha siyaasadda

• Hogaaminta maamulka iyo fulinta siyaasadaha dowladda.

• Ilaalinta sharciga iyo nidaamka Islaamiga ah.

• Ka shaqeynta horumarinta bulshada iyo sugidda amaanka guud.

Astaamaha Nidaamka

• Hogaamiyaha ugu sarreeya waa Sheekh, oo isku haya awood diineed iyo mid siyaasadeed.

• Waxaa jira golayaal talo-bixin iyo fulin oo ka qayb qaata maamulka iyo go’aan qaadashada.

• Nidaamku wuxuu dhiirrigeliyaa waxbarashada, ilaalinta nabadda iyo horumarinta bulshada.

• Xilka ugu sarreeya ee ee Sheekhnimada waxaa lagu helaa dhaxaltooyo. Waalidka ayaa u gudbiya caruurtiisa, xubin ka tirsan qoyskiisa ama xigtadiisa.

Saameynta Bulshada

Sheekhtooyo waxay bulshada u fududeysaa helitaanka nidaam caddaalad ku dhisan oo Islaami ah, isla markaana dhiirrigeliya horumar, waxbarasho iyo ilaalinta qiyamka diinta iyo dhaqanka suubban.