User:Cabdicasiis cumar ibrahim

Wadaniyad dad badani waxay aaminsanyihiin macnayaal isu dhaw oo odhanaya: wadaniyadu waa shay aad uqaali ah, oo leh qiimo aad aad usarreeya, taas oo wax lagu qiyasaa aanay jirin. Waxa kale oo kamid ah, wadaninnimadu waa dareen qofka ku beeran ama lagu beero oo ah in uu qofku dalkiisa iyo dadkiisa jeclaado, oo uu naftiisa u bixin karo dadkiisa iyo dalkiisa, taas oo uu ka qayb qaadanayo waxyaalaha horumarka u ah bulshada, maal iyo ficilba. Sidoo kale, wadaniyadu waa barashada cilmiga bulshada ee ku wajahan barashada xuquuqda qufku u leeyahay inuu helo (right) iyo mas'uuliyada qofka muwadinka ah lagu leeyahay ama laga doonayo. Waxa kale oo lagu sheegay barashada iyo ku dhaqanka xorriyada bulshada,sharciga,iyo sida hab-dhaqanka muwadinka kaligiis uu saamayn ugu leyahay arimaha caamka ah iyo nidaamka siyaasadeed ee dalka. Inta aynaan faallada kale u gudbin waxa loo bahan yahay in aynu astaynu ayaa muwaadin ah. Sida dawladaha adduunku ubadan yihiin muwaadin waxaa lagu noqdaa in qofku jinsiyada ku helo xaqa u dhalashada dalka waa sida uu ku salaysan yahay shuruucda inta badan ee wadamada reer galbeedka.