Wikipedia:Maqaalka Fiican Bogga Hore/13
Maxamed Cabdulle Xasan 7 Abriil 1856 – 21 Diseembar 1920) wuxuu ahaa caalim Soomaaliyeed, gabyaa, hoggaamiye ciidan, iyo shakhsiyad diimeed, dhaqan iyo siyaasadeed oo aasaasay kuna hoggaamiyay Dhaqdhaqaaqii Daraawiishta, kaas oo qaaday jihaad ka dhan ah faragelintii gumaysiga ee Ingiriiska, Talyaaniga iyo Itoobiya ee Jasiiradda Soomaaliyeed. Dawladdii Ingiriiska ayaa si caan ah ugu naanaysay “Mad Mullah”. Sannadkii 1917, Boqortooyadii Cusmaaniyiinta waxay ugu yeertay Amiirka Dadka Soomaaliyeed”. Sababo la xiriira gudashadii Xajka ee Makka, sheegashadiisa inuu ka soo jeedo Nabi Muxammad (NNKH), iyo inuu si buuxda u xifdiyay Qur’aanka Kariimka ah, magaciisa waxaa lagu hor daray naanaysyo sharaf sida Xaaji, Xaafid, Amiir, Sheekh, Mulla ama Sayid. Saamaynta weyn ee uu ku yeeshay dadka Soomaaliyeed awgeed, waxaa badanaa loo arkaa “Aabbaha Waddaniyadda Soomaaliyeed (SII AQRI)