Buulo mareer

Ka Wikipedia
U bood: gooshitaan, raadi

Waxay 125 KM uJirtaa Magaalada Muqdisho waa deegan aad ukobcay wayadan danbe. Buulo Mareer waxay ku taallaa goob muhiim ah oo istiraatiiji ah, waxa ayna muddooyinkaan dambe noqotay xarun ganacasi oo lafdhabar u ah dhaqaalaha iyo ganacsiga gobolka Shabeellaha Hoose. Daqaale ahaan iyo ganacsi ahaanba magaaladaani waxay xarun ganacsi u tahay gobolka Sh/Hoose iyo wliba Banaadir, waxa ayna can ku tahay wax soo saarka beeraha, kheyraatka xoolaha & ganacsiga noocyadiisa kala duwan, tusaale ahaan waxa ay dalagga beeraha iyo kheyraatka xoolaha siisaa magaalooyinka Marka, Baraawe, Qoryooleey, Muqdisho iyo weliba tuulooyin kale oo badan. Buulomareer Waxay halbowlo utahay isku Xirka wadada dheer ee Kismaayo iyo Muqdisho. Waxay Buulo Mareer leedahay Dugsiyo waxbarasho balse waxaa ugu caansan laba dugsi oo kala ah: Dugsiga Hoose/Dhexe & Sare ee BUULO MAREER oo ka mid ah Dugsiyadii dadweynaha ee ay dhistay Dowladdii Kacaanka haddana waxaa gacanta ku haayso Hey'ad Taliyaani ah oo lagu magacaabo WFL iyo Dugsiga Hoose/Dhexe & Sare ee ALFARUUQ waana dugsi ay gacanta ku heyso Hey’adda DIRECT AID/AFRICA MUSLIMS AGENCY. Sidoo kale waxa ay leedahay goobo caafimaad Sida: Isbitaalka XAYAAT, MCH-yo iyo weliba goobo kale oo si gaar ah loo leeyahay. Buulo Mareer waxaa loo Qeybiyaa Sedex Xaafad. waxayna kala yihiin Xaafad Jadiid Oros iyo Sheikh Xaashi. Buulo Mareer waxaa dega beelo badan balse beelaha ugu badan deegaanka magaalada waa Digil, Biyamaal, Murusade, Shiikhaal, Habargidir & Abgaal, (inkasta oo Biimaal & Digil badan deganaayeen beerana ku leeyihiin dhulkan). Buulomareer waxay leedahay Beero fara badan iyo Aseendooyin waana magaalo Bilic Qurxoon Dadkeedana ma ahan Dad Dagaalka Jecel waxayna ubadanyihiin Ganacsato iyo Beeraleey. Buulo Mareer waxa ay leedahay shakhsiyaad can ka ah Gobolka Shabeellada Hoose waxaana ka mid ah: Ganacsatada: Mowlac, Cabdi Cusmaan, Suuleey, Xassan giriin, Maxamed Ganeey, Xaaji C/raxmaan Ganeey, Xaliimo Isaaq, Xaawo Maxamed Abuukar (Xaawo Biimaaleey), Dr. C/raxiin Maxamed Cabdow, Jeylaani Aba Cusmaan & Jeylaani Shiikhunaa. Culimaa’uddiinka: Sheekh Nuur Isaaq Cabdi, Sheekh Cali Afar Indhood, Macallin Maxamed Salaad, Sheekh Xaashi, Sheekh Maxamed Maaxi, Sheekh Abuukar Shuuti & Sheekh Siidkeey. Nabaddoonnada: Xaaji Galleey, Garaad Abuukar, Nuur Cali, C/raxmaan Sh.nuur, Axmed Bariise & Suldaan Lexle. sidoo kale masaajida ay caanka kutahay waxaa ka mid ah Masjidka Sheikh cali Fanax oo kuyaala magaalada dhexbartan keeda ,Masjidka Sheikh Xassan disoow oo kuyaala Dhinaca wabiga xiga, Masjidka Sheekh Nuur Isaaq , Masaajidka Nuur Qaasin oo kuyaala Meesha cawska iyo xoolaha lagu kala iibsado. Magaaladda buulo marer dadkooda waxay badana yihiin kuwa carurtooda ku mashquuliya waxbrashada inkastoo magaaladaas loogu bartey beeraha iyo ganacsiga. Maamulka degmada Buulo Mareer ayaa hadda udhisan sidaan: Guddoomiye Axmed Cismaan(Beesha Digil), Kuxigeen: C/qaadir Sh.Xuseen Dhaaltoon (Beesha Biyamaal), Kuxigeen: Garaad Abuukar (Beesha Hawiye). Buulo Mareer waxaa hoos taga tuulooyin badan sida: Daaydoog, Boorroow, Doonshaahi, Mareer Dheere, Laba Yaaqe, Ceel Qodow, Jeerroow, Busleey, Cambareey, Makaan Bile, Iidow Guudow, Foornaale Buulo Tunni iyo kuwo kale oo fara badan.