Geesaley

Geesiley waa magaaloo ku taal gobolka Bari waxeyna Dhanka qorrax ka soo baxa kaga aaddantahay magaalada Bosaso ee caasimadda gobolka Bari.

Geesiley waa magaalo ilaahey ku manneystay kheyraad dabiici ah sida kalluunka, Beeraha timirta, Xijjiga ama Beeyada iyo Dhuxul Dhagaxda.

Geesiley waxay kamid tahay magaalooyinkii uu bud dhigay ama aasaasey Ciise Cali (Ciise dhurbood) iyada iyo magaalada Dhurbo oo loogu magac darey.

Timirta ku taal magaalada Geesiley oo ah midda ugu macaan uguna tayada badan guud ahaan Soomaaliya waxaa beeray Ciise Cali oo ahaa caalimka guud ee deegaanka.

Dhanka waxbarashada waxa ay laheyd magaaladu dugsi hoose, dhexe iyo sare sare oo ay wax ka barteen dad caan ka ah bulshada dhexdeeda dhanka aqoonta iyo siyaasaddaba. Alle ha u naxariistee waxaa ku aasan magaalada nabadoon Nam Nam oo ahaa nabadoon aad caan uga ahaa deegaanka waxa uuna dhintey sannaadkii 1818.

Geesiley oo ah magaalo xaddaarad iyo ilbaxnimo fac weyn leh ayaa waxa ay soo martay marxalado kala duwan oo ku aadan dhanka siyaasadda iyo dhanka guumeysigii Talyaaniga ahaa. Waxaa ka talin jirey magaalda Geesiley odayaal cuqaal iyo nabadoonno isugu jira waxaana ka mid ahaa nabadoonnadii iyo cuqaashii ugu waaweynaa magaalada.

Geesiley waxaa dega beelaha (Geesiguulle) oo u kala baxa dhowr jilib. Beesha Geesiguulle waa beel ka mid ah beelweyn Harti ee Daarood. Geesiley waxay aheyd magaaloyinka ugu hormarsanaa xilligii dowladda dhexe iyo gumestahaba xaga dhismaha, waxbarshada iyo dhaqanka waxaana ka jirtey ilbaxnimo aad iyo aad u sarreysa.