Awdheegle
Awdheegle | |
|---|---|
| Wadan |  Soomaaliya |
| Gobol | Shabeellaha Hoose |
| Aagga waqtiga | UTC+3 (EAT) |
Awdheegle waa Degmo ka tirsan degmooyinka Gobolka Shabeellaha Hoose, waxayna si rasmi ah Degmo buuxda unoqotay 1986dii, xiligaas kahor waxay katirsanayd Degmada Afgooye. Magaalada Muqdisho oo ah Caasimadda Dalka waxay ujirtaa 70km, jihooyinkeeduna waxay kala yihiin sida soo socota:
- Waqooyi waxaa ka xiga Degmada Afgooye, Xadka kala qaybiya Labada Degmo waa Tuulada Baladulamiin.[1]
- Waqoyi Galbeed waxaa ka xiga Degmooyinka Wanlaweyn, Xadka kala qaybiya Labada Degmo waa Tuulada Gaaydhiigaale iyo Degmada Buurhakaba, Xadka kala qaybiya Labada Degmo waa Tuulada Ceelbashiir.[2]
- Barri waxaa ka xiga Degmada Marka, Xadka kala qaybiya Labada Degmo waa Tuulada Maxamed Cumar[3]
- Galbeed waxaa ka xiga Degmada Qoryooley, Xadka kala qaybiya Labada Degmo waa Tuulada Farsooley.[4]
Waxay caan ku tahay dhul beereedka iyo xoolaha, waxaa mara Wabiga Shabeelle. Dadka degan waa Dad nabadeed aadna uneceb colaada waana dad wax soo saar leh.
Dhaqaalaha: waxay ku tiirsan yihiin muruqooda iyo wax-soo-saarka dhulka. Waxyaabaha ay beertaan waxaa ka mid ah:
- Dalagyada: Galey, digir, sisin, yaanyo, qarre, bocor iyo bataati.
- Miraha: Liin dhanaan, liin banbeelmo, babaay, cambe iyo moos.
Xoolaha: Sidoo kale waxay caan ku tahay dhaqashada xoolaha sida; Lo'da iyo Arriga.
Dadka Degan beel ahaan waxay kasoo jeedaan Beesha DigilMirifle gaar ahaan Digil si gaar ah Bagadi waana dad ahlu diin ah, kutiirsan muruqooda aadna ugu ololeeya nabadda, wadajirka iyo deris wanaagga.
Tirada Dadka kunool waxaa lagu qiyaasaa 750,000 ilaa 800,000.
Deegaanada iyo Tuulooyinka hoosyimaada Degmada Awdheegle waxaa ka mid ah: Malable, Mubaarak, Daarusalaam, Jowhar, Bariire, Nuun, Shaan, Toortoorow, Balow, Aybuutey, Gumaysidiid, Busleey, Lambar 50 iyo kuwa kaloo badan.
Maamul ahaan xiligaan waxay ka mid tahay Degmooyinka hoostaga Dowladgoboleedka Koonfur Galbeed Soomaaliya, si guud waxaa soo maamulay oo isku bedelay 8 Gudoomiye, kuwaas oo kala ah:
1- AUN Xuseen Mayow Nuur
2- AUN Xuseen Nuur Caliyow
3- Cabdi Sheekh Cali Siidow
4- Muuse Cismaan Maxamed (Muuse Cismaan Gaalow)
5- AUN Maxamed Aways Abuukar (Maxamed Yarow)
6- Cabdullaahi Cismaan Abuukar
7- Saalax Cabdiraxmaan Maxamed
8- Liibaan Cabduqaadir Mayow
| Degmooyinka Gobolka Shabeellaha Hoose |  |
|---|---|
| Afgooye · Awdheegle · Baraawe · Kurtunwaarey · Marka · Qoriyooley · Sablaale · Wanlaweyn | |
- ↑ Xildhibaan metelaayey Degmada Dowladii Kacaanka iyo Suldaanka Degmada.
- ↑ Xildhibaankii kumetelaayey Degmada Dowladii Kacaanka iyo Suldaanka Degmada
- ↑ Xildhibaankii kumetelaayey Degmada Dowladii Kacaanka iyo Suldaanka Degmada
- ↑ Xildhibaankii kumetelaayey Degmada Dowladii Kacaanka iyo Suldaanka Degmada