Laaso dawoco

Laaso Dawoco New laaska
Magaalo
Laaso Dawoco
Country	Somalia Puntland
Gobolka	Bari
Magaalo	Bosaso
Dowlada
• Nuuca	Community
• Duqa Degmada	Maxamuud British
Aag saacadeed	UTC+3 (EAT)

Laaso dawacoIngiriis : Laso dawo'o). Carabi: ﻻﺱ ﺩﻭﻭﻙ). Waa magaalo ku taala gobolka Bari [soomaaliya]] waxay u jirtaa magaalada Bosaso 1,10 Kilomitir oo dhanka koonfureed ah magaaladani waxay ku taalaa jidka dheer ee isku xira Woqooyi iyo koonfur ee laamiga looyaqaano, magaaladan waxaa la assaasay qarnigii 14-aad waxayna leedahay deegaan aad u ballaaran oo hoos yimaada

Taariikhda

Deegaanka oo la Asaasay qiyaastii qarnigii 14-aad waa deegaan aad u facweyn taariikh ahaanna waa deegaan daaqsimeed waxaana ku hareeraysan dhul aad ugu wanaagsan daaqsinka xoolaha kuwa ugu muhiimsanna waxaa kamida deegaanada Barookhle oo aad ballaaran, Dooxada balli-gorayo, deegaanada Carmooyin, Togga Jiifiseed, Iyo deegaano kale oo aad u ballaaran oo badidood dhaca dhanka koonfureed ee laaso dawaco. sidoo kale waxaa jira ceelal soo jireen ah oo deegaan kani leeyahay ceelashaas oo leh biyo daba dheeraada oo xoola dhaqatadu ku roob da'sadaan xilliyada abaaraha, Qiyaastii qarnigii 14-aad ayaa koox xoolo dhaqato ahi dhowr guri deegaanka ka dhisteen sidaas ayeeyna laaso dawoco si tartiib tartiib ah isugu bedeshay magaalo aan laga guurin oo soo jireen ah, waxaanna xusid mudan in laaso dawoco la factahay magaalada bosaso oo qiyaastii qarnigii 14-aad la Udubka loo muday.

Deegaanka Cimilada & Nolosha

Deegaankani waa deegaan daaqsimeed Aad u daaqsin wanaagsan iskuna darsaday dhulal daaqsimeed kala duwan oo buuro togag iyo dooxooyinba leh iyo Ceelal laga cabo oo gu'u iyo jiilaal toona go'in, Nolosha dadku dhaqan ahaan waxay ku tiirsan tahay miyiga, dhaqdhaqaaqa dadkuna waa mid ku xiran hadba sida nolosha miyigu tahay, waxaa jira xogaa isbedello nololeed oo la taaban karo oo ku yimi hab nololeedka dad wixii ka dameeyay xorriyadii 1960 waqtigaasoo ay dadka deegaanku noloshoodu qayb ahaan biloowday inay si tartiib tartiibbah ugu xirnaato xagga magaalooyinka, si kastaba ha ahaatee nolosha haatan ka jirtaa deegaanka waa mid 85% ku tiirsan magaalooyinka waxaase wali muuqda calaamooyin aad ka turjuman kartid in nolosha dadka deegaanku ay waqti dheer ku xirnayd xaga miyiga. Cimilada deegaanku waa mid aad wanaagsan marnaba lama Arko kul laga caban karo Xilliyada Jiilaalka ama Diraacda waxaa la dareemaa Qabow Dadka ku kalifa inay Hoy galaan Ama Hu dugsadaan.

Dadka Iyo Guurguurka

Deegaankani wuxuu aad waayo arragnimo ugu leeyahay guur-guur bulsho si lamida deegaanada kale ay deriska yihiin, Inta badan sanadka waxaa magaalada kunool dadka ma guurtada ah ee loo yaqaano "Diraacsato" oo ah dadka afarta xilli ee sanadka magaalada ku negaada, Xilliyada xagaaga waxaa jira tirooyin dad ah oo soo buuxsha magaalada dadkaas oo aad u kordhiya tirada dadka magaalada kunool Inta badan dadkaasi waxay ka yimaadaan magaalada bosaso oo xilliyadaas kulul. Saa darteed tiradu dadku had iyo jeer waa kor martaa xilliga xagaaga balse qiyaastii ilaa 20,000 oo qof ayaa magaalada iyo agagaarkeeda si ma guurto ah u degan. waxaa la arkaa xiliyada xagaaga tirada dadku inay ku korto ilaa 25,000 oo qof. Waa adag tahay in la koobo Odayaasha magaca iyo meeqaamka ku leh deegaanka Ama ku lahaan jiray balse Intooda la xasuuto waxaa kamida,

1. Haaji Qablan
2. Abshir Xasan Cadoowe
3. Butliye
4. Hayaan Muumin Maax
5. Tooyo
6. Ismaciil Waaberi
7. Cali Hiirad
8. Maxamed Suudi Cadoowe
9. Cabdi Maydhanaan
10. ugaas barkhad yuusuf ibraahim