Qurac

Ka Wikipedia
U bood: gooshitaan, raadi
Qurac
Vachellia tortilis in the Serengeti National Park
Abla-ablayn cilmi ah
Boqortooyo: Plantae
(unranked): Angiosperms
(unranked): Eudicots
(unranked): Rosids
Gacal: Fabales
Dir: Fabaceae
Sinji: Vachellia
Jinsi: V. tortilis
Tibix laba magac
Vachellia tortilis
(Forssk.) Galasso & Banfi[1]
subspecies[2] and varieties
  • Vachellia tortilis subsp. heteracantha (Burch.) Kyal. & Boatwr.
  • Vachellia tortilis subsp. raddiana (Savi) Kyal. & Boatwr.
    • var. pubescens (A.Chev.) Kyal. & Boatwr.
    • var. raddiana (Savi) Kyal. & Boatwr.
  • Vachellia tortilis subsp. spirocarpa (Hochst. ex. A.Rich.) Kyal. & Boatwr.
    • var. crinita (Chiov.) Kyal. & Boatwr.
    • var. spirocarpa (Hochst. ex. A.Rich.) Kyal. & Boatwr.
  • Vachellia tortilis subsp. tortilis (Forssk.) Galasso & Banfi
Range of Vachellia tortilis
Magac macna wadaag
  • Acacia tortilis (Forssk.) Hayne
  • Mimosa tortilis Forssk.
  • Vachellia tortilis (Forssk.) P.J.H.Hurter & Mabb.
Qurac

Qurac (magaca sayniska: Acacia tortilis, af-carabi: السَّمُرُ ama السنط) Afrika, waxaana lagu arki karaa Bariga Dhexe.

Geed abaareed qodaxle ah, ilaa 21 mitir (69 ft)m kor u baxa, baarka sare sidii dallad oo kale u fidsan, dadka qaar ayaa u yaqaan abqo, mirihiisa ayaa iyana abqo ah, waa geed caan ka ah afrika una badan geeska afrika, waxaa kaloo laga helaa bariga dhexe.

Gabay baa waxaa ku jiray tuducyadaan

Ninka geedo tiriyoo kategay qurac tilmaantiisa
Oo tiinka iyo qabada iyo tabaya maygaaga
Tusmo xume taariikhdaba miyuu taako ka ogaaday?
qurac ka baxaya Tanzania

Dhulka uu ka baxo[Wax ka bedel | wax ka bedel xogta]

Quraca oo noocyo badan ayaa waxaa caan ku ah qaarada afrika laga soo billaabo singaal lagu keeno bariga afrika ee soomaaliya ilaa koonfur afrika, wuxuu ka baxaa sidoo kale bariga dhexe, sidoo kale waxaa laga helaa iiraan, 1958 ayaa hindiya lagu beeray iyo pakistaan,

Tilmaanta dhir ahaaneed[Wax ka bedel | wax ka bedel xogta]

waa geed cimri dheer oo waynaada boqolaal sano taagnaan kara, u bada geeska afrika, wuxuu ka baxaa dhulka oomanaha iyo saxaraha ah, wuxuu yeeshaa xidido dhaadheer oo ku kaalmeeya inuu qoto dheer biyo ka helo, wuxuu ka baxaa togaga iyo buuraha dushooda, wuxuu ka fogaadaa meelaha ay biyuhu fariistaan ama ay jeexaan, waa geed u adkaysan kara abaar dheer iyo kaliisha waxaa ku filan roob 40 milimitir dhulka gala, wuxuu u adkaysan karaa biyo la'aan dhan hal bil ilaa 12 bilood, geedka ayaa jecel dhulka jilicsan oo cusbada leh, xidida quraca ayaa dhulka ku fogaada ilaa 35 mitir markii meeshu tahay lama degaan saxaro ah caro jilicsan, wuxuu samaysataa xidido banaanka u dhow ama yaala meelaha biyuhu ka dhowyihiin ama ay fariistaan, dhirirkiisa ayaa gaara  21 mitir (69 ft), caleemihiisa ayaa aad u yar yar, wuxuu dhalaa ubax yaryar oo cad cad, mirihiisa oo abqo ama aqbo u taqaan soomaalidu ayaa ah kuwo dhuudhuuban oo isku soo laabma badanaa, waxaa cuna aroga geela dadka iyo dhamaan duur joogta dhirta cunta, wuxuu leeyahay xabag la cuno,

wuxuu leeyahay qodxo dhaadheer iyo kuwo yar yar,

Qaybaha geedka[Wax ka bedel | wax ka bedel xogta]

  • Dayo(Dayooyin) waa caleentiisa, siiba marka ay qoyan tahay.
  • Dimcad waaquraca da'da yar wuxu lee yahay ulo xoog badan iyo mayrax aad u cad.
  • Xanan wuxu la macna yahay Dimcad, marka geedku yar yahay. 
  • Durruje- Quraca waaweyn 
Caleenta quraca

Geedka iyo soomaalida[Wax ka bedel | wax ka bedel xogta]

Soomaalida ayaa geedkaan aad u jecel una adeegsata waxyaabo badan, waxay ka helaan ulaha guryaha lagu dhisto waa harsadaan, gartana waa ku galaan,

Waxaa kaloo laga hellaa laamihiisa ulo dhuudhuuban oo dadka reer guuraagu aad u isticmaalaan oo xoolaha ku raacdaan, siiba geela. Caleentisa waxa daaqa ariga, laakiin waxtarkiisa weyni waa abqada, kuwaas oo aad u tira badan dhulkana laga gurto, xoolaha Afrika oo dhanna daaqaan, waxa kaloo laga helaa ood, tiirar iyo dhuxul.

Dawo ahaanna waxa lagu daaweeyaa dixiriga caloosha gala, cudurada maqaarka, xajiinta maqaarka, iniinaha abqada, laamaha iyo xididdada na waxa loo adeegsadaa asal ahaan.

Magacyada quraca ee luqadaha kale[Wax ka bedel | wax ka bedel xogta]

  • Afrikaans: haak-en-steek
  • Carabi: samar, sammar, samor, samra, sayyal, seyal, seyyal
  • Ingiriis: karamoja, umbrella thorn
  • Cibri: shitat ha'sochech
  • Hindi: Israeli babool
  • talyaani: acacia ad ombrello
  • Ndebele: isanqawe, umsasane, umshishene, umtshatshatsha
  • Nyanja: mzunga, nsangu, nsangunsangu, nyoswa
  • Samburu: ltepes
  • Somali: abaq, qurac, maraay
  • Sawaxili: mgunga, mugumba, munga
  • Tigree: akba, akiba, alla, aqba
  • Tongan: mukoka, muzungu, ngoka
  • Tswana: mosu, mosunyana
  • Zulu: umSasane
  • Oromo: Lafto
  • Xabashi: Grar

xigasho[Wax ka bedel | wax ka bedel xogta]

[3][4][5]

Tixraac[Wax ka bedel | wax ka bedel xogta]

  1. Lua error in package.lua at line 80: module 'Module:Citation/CS1/Utilities' not found.
  2. ILDIS Legumes of the World
  3. https://hort.purdue.edu/newcrop/duke_energy/Acacia_tortilis.html
  4. http://www.flowersinisrael.com/Acaciatortilis_page.htm
  5. https://www.facebook.com/339566649479511/photos/a.339569902812519.1073741825.339566649479511/670809703021869/?type=3&theater