Diinsi

Ka Wikipedia
U bood: gooshitaan, raadi
Balanophoraceae
Geedka Diinsiga
Abla-ablayn cilmi ah
Boqortooyo: Plantae
(unranked): Angiosperms
(unranked): Eudicots
(unranked): Core eudicots
Gacal: Santalales
Dir: Balanophoraceae
Rich.[1]
Genera

17, Fiiri Gener

Diinsi (Af-Ingiriis: Balanophoraceae) waa dhir ubaxley ah taasi oo ka baxda deegaanada agagaarka Dhulbadaha. Inta la ogyahay dhirta noocani ahi waxay ka kooban tahay ilaa 17 waax oo kala duwan kuwaasi oo dhamaantood ka baxa deegaanada kulka dhexe leh.[2]

Geedkani wuxuu ka mid yahay geedaha aan ku faanno oo aan faaidadiisu caafimaad aan u soo bandhignay caalamka oo idil iyadoo cilmibaarayaal soomaali ah ay liiska geedo daaweedka ku dareen 25 sano ka hor.

Sharaxaad[Wax ka bedel | wax ka bedel xogta]

Diinsiga waa geed ka mid ah geedo daaweedyada ay soomaalidu aad u isticmaasho, geedka magaciisa qalaad waxaa la yiraahdaa "Sarcophyte piriei" ama "Balanophoraceae".

Geedkaani waxaa kaloo laga isticmaalaa dhowr wadan oo kale sida: Kenya, Malawi, Mozambique, Tanzania, Uganda iyo Zambia.

Waxtarka Diinsiga[Wax ka bedel | wax ka bedel xogta]

Diinsiga soomaalidu waxay u isticmaashaa daaweynta nabraha, ilka xanuunka, cuna xanuunka iyo calool xanuunka taasoo ku tusinaysa inuu galayo booskii daawooyinka antibiotics-ka iyo xanuun baab'iyaha. Waxaa kaloo jira dad ku daaweeyo gaaska iyo dibiirada iyo dheef-shiid xumada.

Diinsiga waxaa loo sameeyaa sida shaaha oo kale iyadoo loo isticmaalo in lagu daaweeyo shubanka, in dhibaatooyinka caadada ee dumarka ku dhaca.

Waxaa jira cilmibaaris lagu sameeyay diinsiga oo ay ku sameeyeen cilmi baarayaal oo isugu jiro soomaali iyo ajaanib oo lagu ogaaday in geedkaan ay ku jiraan laba maaddo oo magacyadooda aan u kala bixinay diinsininol (1) and diinsinin (2). walxahaan oo leh faaido antibiotic oo jirka kala dagaallama infakshanka.

Diraasadaan waxaa lagu sameeyay qeybta daawo baarista ee jaamcadda Upsala University ee dalka Sweden.

Waxaa kaloo jira buug ay daabacday jaamacaddaas oo magaciisa la yiraahdo: Inventory of plants used in traditional medicine in Somalia, buugaan oo faaido weyn u leh dadka xiiseeya geedo daaweedka ayaa wuxuu ka hadlayaa illaa 30 geed oo soomalidu ay u isticmaasho daawo ahaan, markii baaritaan lagu sameeyane la xaqiijiyay waxtarkooda iyo faaidada caafimaad ay leeyihiin. Buugaan waxaa qoray cilmo baarayaal soomaali u badan oo kaashanaya cilmibaarayaal ajaanib kale.

Sidoo Kale Fiiri[Wax ka bedel | wax ka bedel xogta]

Diinsiga waxaa loo isticmaalaa in lagu daaweeyo baabasiirka.Taas waxau ku tusinaysaa in geedka Diinsigu yayahay qalajiyye aad aad iyo aad u xoog badan.

Tixraac[Wax ka bedel | wax ka bedel xogta]

  1. Angiosperm Phylogeny Group (2009). "An update of the Angiosperm Phylogeny Group classification for the orders and families of flowering plants: APG III" (PDF). Botanical Journal of the Linnean Society. 161 (2): 105–121. doi:10.1111/j.1095-8339.2009.00996.x. Retrieved 2013-07-06. 
  2. Christenhusz, M. J. M., and Byng, J. W. (2016). "The number of known plants species in the world and its annual increase" (PDF). Phytotaxa. Magnolia Press. 261 (3): 201–217. doi:10.11646/phytotaxa.261.3.1.