26 Juun 1960

Ka Wikipedia
U bood: gooshitaan, raadi

26 Juun 1960 waa maalinta Xornimada Somaliland ka qaadatay gumeeystihii Ingiriiska ee ka talin jirey Gobolada Waqooyi Soomaaliya. 26ka Juun 1960kii waxay ahayd maalintii dadka Somaliland ka hoosbaxeen maamulkii British Somaliland, taasi oo horseeday ku dhawaaqitaankii madaxbanaanida Goboladda Koonfurta Soomaaliya ka qaateey maamulkii la odhan jirey Italian Somaliland ee ka talin jirey koonfur. Ugu dambeyn, 1dii Luuliyo 1960kii waxaa midoobey Goboladii Waqooyi iyo Koonfurta Soomaaliya halkaasi oo lagu aasaasay dowladii iyo maamulkii ugu horeeyay gayiga Jamhuuriyadda Soomaaliya.

Guud ahaan, maanta waxaa Maamulka Somaliland laga dabaaldegaa 26ka Juun oo ah Maalinta Madaxbanaanida Jamhuuriyada Somaliland.

Qoraalka gudaha oo kooban

Hordhac

Markey taariikhdu ahayd 26kii Juun 1960kii waxaa xoriyada qaatey Goboladii Soomaalida Waqooyi kuwaasi oo dagaal culus la galay gumaystihii Ingiriiska. Fagaaraha kheyriyada magaalada Hargeysa oo iskugu soo baxeen dad badan oo u dabaaldegayay guusha xoriyada ayaa waxaa masraxa gabay dhaxalgal ah ka tiriyey Cabdilahi Suldaan Timocade. Gabaygaasi waxaa loo yaqaanaa Kana Siib Kana Saar:

Anigoo sebi uun ahoo Sita leeb iyo qaansoo
Siigaduun isku aasoo Sabo reer ka fogaanoon
Laygu aaminin soofkiyo Saaca maanta aan joogno
Gabaygu waygu sugnaayee Haddii aan Sarsarriigo
Ama aan surmaseejo Amaba aan sixi waayo
Ama aan ka salguuro Amaba laygu saluugo
Soomaalida i maqlaysaay I su'aala hadhow
Ilaahaan waxba seegine Subaciisa Quraankiyo
Sabbaxooyin ku sheegayow Saciira iyo naciima
Rabbiigii kala seerayow Markay suurtu dhawaaqdo e
La soo saaro makhluuqa e Shaqiga iyo saciidka
Maalintaad kala soocdo Dembigaannu samaynay
Rabbigayow naga saamax
Subciyay oo ka dukeeyaye Ka siddeetan sebaaney
Calankaannu sugaynaye Sahankiisa ahaynow
Seermaweydo hillaacdayow Sagal maanta darroorayoo
Siigadii naga maydhayow Saq dhexaannu ahayne
Kii soo saaray cadceeddow Samada kii u ekaaye
xiddigaa mid la siiyayow Saaxirkii kala guurrayeaha
Sarreeyow ma-nusqaamow An siduu yahay eegno e
Kaana siib Kanna saar
.

Faallo

Maalinta 26ka Juun 1960kii waa maalin aad iyo aad u qiimobadan, waa maalintii Ingiriisku uu ka guuray Somaliland. Waxa ay aheed maalin farxad iyo rayrayni ay ku dheehantahay. Waa maalintii ay samaysantay dawladii da'da yarayd ee Somaliland (1960). Dawladani waxay jirtay 5 cisho oo kaliya, kadibna waxy midnimo la samaysay Soomaaliya oo iyaduna xorowday 1960 bishii 7aad 1dii. Midawga ay sameeyeen labada dawladood malin kadib ayuu fashilmay markii koonfurtu ay wada qaadatay xukunkii oo dhan.

Sidoo kale fiiri

Xigasho