Shaadh

Ka Wikipedia
U bood: gooshitaan, raadi
Suuq dharka lagu iibiyo oo ku yaala Karachi, Bakistaan.

Shaadh (Af-Ingiriis: Shirt; Af-Carabi: قميص) sidoo kale loo yaqaano Shaati, waa shay dabacsan oo ka samaysan dun, ama cudbi, ama harag kaasi oo la tolay. Shaadhku wuxuu ka mid yahay dharka ragga inkastoo dumarka laftoodu xidhaan noocyo shaadhadh ah oo loogu talogalay. Dharka waxaa laga sameeyaa dun ka timaada haraga xoolaha, xayawaanka iyo cudbiga iyo noocyo aartifishal ah. Marka dharka la samaynayo waxa la isticmaalaa habab badan oo kala duwan, waxaa ugu caansan tolida, mareegida, iyo isku xidhxidhka dunta.[1]

Hordhac

Shaadhku wuxuu ka mid yahay dharka joogtada ah ee rag iyo dumarba. Shaadhku waa maro la tolay taasi oo leh qaab le'eg qofka xidhanaya ama isticmaalaya sheygaasi. Shaadhku wuxuu leeyahay astaamo u gaar ah oo ka duwan noocyada kale ee dharka. Astaamaha ugu muhiimsan ee shaadhasha waxaa ka mid ah raqabada, jeeb iyo galuusyo (badhano) badan oo laabta ku dhex yaala.[2]

Magaca

Ereyga Shaadh ama Shaati asal ahaan waa mid Af-Ingiriis ah oo waxaan ka soo xiganahay Shirt.[3]

Dharka

Dharka (Af-Ingiriis: Textile ama Cloth; Af-Carabi: نسيج (قماش)) waa shay dabacsan oo ka samaysan dun la xardhay. Dharka waxaa laga sameeyaa dun ka timaada haraga xoolaha, xayawaanka iyo cudbiga iyo noocyo aartifishal ah.[4] Marka dharka la samaynayo waxa la isticmaalaa habab badan oo kala duwan, waxaa ugu caansan tolida, mareegida, iyo isku xidhxidhka dunta. God ku yaala galbeedka wadanka Joorjiya ee bariga Yurub ayaa waxa laga helay qidcad harag oo lagu wado in dhar ahaan loo isticmaali jirey wakhti hada laga joogo 34,000 oo sano. Dharka guud ahaan waxaa la isku yidhaahdaa Hu'; kaasi oo u kala baxa noocyo badan. Kugu ugu muhiimsan ee dadku isticmaalaan maalin kasta waxaa ka mid ah: surwaalka, shaadhka, diraca, shalmada, goonada, koodhka, kabaha iyo kuwo kale oo badan.[5][6]

Muuqaalo

Sidoo kale fiiri

Commons-logo.svg
Wikimedia Commons waxee heysaa war la xiriiro:

Tixraac

  1. Barber, Elizabeth Wayland (1994). Women's Work. The first 20,000 Years, p.135.Norton & Company, New York. Template:ISBN
  2. William L. Brown III, "Some Thoughts on Men's Shirts in America, 1750-1900", Thomas Publications, Gettysburg, PA 1999. Template:ISBN, p. 7
  3. Dorothy K. Burnham, "Cut My Cote", Royal Ontario Museum, Toronto, Ontario 1973. Template:ISBN, p. 14
  4. C. Willett and Phillis Cunnington, The History of Underclothes, Dover Publications Inc., New York 1992. Template:ISBN pp. 23–25
  5. "surwaalka, shaadhka, diraca, shalmada, goonada, koodhka, kabaha"
  6. C. Willett and Phillis Cunnington, The History of Underclothes, Dover Publications Inc., New York 1992. Template:ISBN pp. 54