Farta Boorama

Ka Wikipedia
U bood: gooshitaan, raadi
Borama
Borama Alphabet Chart.jpg
Nooca
line-height:1.25em
Luuqad Af-Soomaali

Farta Boorama (Af-Ingiriis: Borama alphabet; Qaabka qoraalka: Boorama.jpg) (sidoo kale loo yaqaano: Far Gadabuursi) waa nidaam wax-qoris oo ka mid ah Far Soomaaliga taasi oo uu alifey Sheekh Cabdiraxmaan Sheekh Nuur. Sida taariikhda lagu hayo, Sheekh Cabdiraxmaan wuxuu alifey fartan sanadkii 1933 wakhtigaasi oo uu ku sugnaa magaalada Boorama, oo noqonaysa sababta farta loogu magacdaray magaaladaasi.[1]

Hordhac

Gabay lagu qoray Far Boorama.

Far Boorama (sidoo kale loo yaqaano Far Gadabuursi) waxaa alifey Sheekh Cabdiraxmaan Sheekh Nuur oo macalin ka ahaa magaalada Boorama.[2] Nidaamka qorida Farta Boorama waa mid aad uga duwan Farta Cusmaaniya. Fartani waxay leedahay shaqalo gaaban iyo kuwo dhaadheer, hakadyo iyo hingaad intaba ka dhex muuqata qoraalka.[3]

Inkastoo aanay soo shaacbixin isla markiiba, maanta waxaa la helayaa qoraalo badan iskugu jira diini, gabayo, cilmi iyo taariikh oo Sheekh Cabdiraxmaan iyo xertiisu ku qoreen Farta Boorama.[4]

Taariikh

File:Borama-script.gif
Nidaamka qoritaanka Farta Boorama

Toban sano ka hor intii aanu Sheekh Cabdiraxmaan alifin farta waxaa soo baxdey Farta Cusmaaniya taasi oo noqoneysa fartii ugu horeeysay dhulka Soomaaliyeed. Markii farta Borama soo shaacbaxdey waxay noqotey mid ka sahlan qorista iyo akhriska isla markaana ka shaqallo badan farta Cusmaaniyada. Dad badan oo wakhtigaasi isbarbardhigay waxay ku sheegeen farta Boorama in ahayd midii ugu casrisanayd geyiga Soomaalida wakhtigaasi.[5]

Sheekh Cabdiraxmaan

Cabdiraxmaan Sheekh Nuur
Abdurahman Sheikh Nuur
الشيخ عبد الرحمن نور
Dhalasho qiyaastii 1880kii
Boorama, Soomaaliya
Dhalashada Soomaali
Shaqada barre, xaakim (qaadi)
Ciwaan Sheekh, mu'alif

Sheekh Cabdiraxmaan Sheekh Nuur (Af-Soomaali: 'Abdurahman Sheikh Nuur', Af-Carabi: الشيخ عبد الرحمن نور) wuxuu ahaa nin aqoonyahan, macalim, qoraa, mu'alif, hogaamiye diineed oo u dhashay dadka Soomaalida. Sheekh Cabdriaxmaan waxaa fadhigiisu ahaa magaalada Boorama, halkaasi oo ku dhigi jiray cilmiga diinta iyo maadiga, isla markaana ku alifey Farta Boorama.[6][7]

Sheekh Cabdiraxmaan wuxuu ku dhashay isla markaana ku koray magaalada Boorama, ee waqooyiga Soomaaliya. Sheekhu wuxuu ka soo jeedaa beesha Gadabuursi, ee beelweynta Dir.[8]

Sheekh Cabdriaxmaan wuxuu markuu yaraa waxbarasho u tegay magaalada Harar, halkaasi oo ku soo bartey Quraanka iyo aqoon kale oo maadi ah. Wakhtigii dhalinyarnimadiisii wuxuu macalim Quraan ka ahaa deegaano badan oo Waqooyiga Soomaaliya ah oo wakhtigaasi hoostegayay maamulkii gumeysiga Ingiriiska. Sheekh Cabdiraxmaan waxaa aabo u ahaa Xaakim (qaadi) ka talin jirey maamulkii gumeysiga Ingiriiska.[9]

Sanadkii 1933, Sheekh Cabdiraxmaan wuxuu alifey hab cusub oo loo qoro Far Soomaaliga, kaasi oo ugu magacdaray Farta Boorama. Fartani wuxuu ugu talogalay in lagu qoro Af-Soomaaliga.

Faallo

Maadaama dadka Soomaalida wakhtigaasi u badnaayeen dad xoolo dhaqato (reer baadiye), farta Boorama kuma fidin geyiga Soomaalida. Farta waxaa isticmaali jirey Sheekh Cabdiraxmaan, xertiisa, aqoonyahano ku noolaa Waqooyiga Soomaaliya iyo aqoonyahano reer Herer ahaa.[10] Maanta waxaa la hayaa buugaag, waraaqo iyo duubab ay ku qoran tahay farta Boorama.[11] Gabayo, maansooyin iyo taariikh kale oo ku qoran fartani ayaa laga helay magaalada Boorama iyo Jabuuti.

Guud ahaan, dad badan waxay fartan u yaqaanaan Far Gadabuursi, sababtoo ah Sheekh Cabdiraxmaan ayaa ka soo jeeda beeshaasi.[12]

Qoraalo la xidhiidha

Sidoo kale fiiri

Linkiyo kale

Commons-logo.svg
Wikimedia Commons waxee heysaa war la xiriiro:

Tixraac

  1. David D. Laitin (1 May 1977). Politics, Language, and Thought: The Somali Experience. University of Chicago Press. pp. 98–. ISBN 978-0-226-46791-7. http://books.google.com/books?id=LR8A4tEYZUAC&pg=PA98. Retrieved 2 July 2012. 
  2. David D. Laitin (1 May 1977). Politics, Language, and Thought: The Somali Experience. University of Chicago Press. pp. 98–. ISBN 978-0-226-46791-7. http://books.google.com/books?id=LR8A4tEYZUAC&pg=PA98. Retrieved 2 July 2012. 
  3. I.M. Lewis (1958), The Gadabuursi Somali Script, Bulletin of the School of Oriental and African Studies, University of London, Vol. 21, pp. 134–156.
  4. the Borama script was principally used by Nuur and his circle of associates in his native city of Borama.
  5. I.M. Lewis (1958), The Gadabuursi Somali Script, Bulletin of the School of Oriental and African Studies, University of London, Vol. 21, pp. 134–156.
  6. I.M. Lewis (1958), The Gadabuursi Somali Script, Bulletin of the School of Oriental and African Studies, University of London, Vol. 21, pp. 134–156.
  7. Somali alphabets, pronunciation and language
  8. David D. Laitin, Politics, Language, and Thought: The Somali Experience, (University Of Chicago Press: 1977), pp.86-87.
  9. qadi (judge) of Borama. Sheikh Nuur would later follow in his father's footsteps by also becoming a qadi, albeit of the entire northern British Somaliland region.
  10. A quite accurate phonetic writing system,the Borama script was principally used by Nuur and his circle of associates in his native city of Borama.
  11. Somali alphabets, pronunciation and language
  12. Somali alphabets, pronunciation and language