Ugaas Xasan Ugaas Yaasiin

Ugaas Xasan Ugaas Yaasiin اوغاس حسن اوغاس ياسين
Ugaaska 29-aad ee Beelaha Harti ahna Ugaaska guud ee Beesha Dishiishe Iyo Guud Ahaan Beelaha Mooracase Ugaaska Guud ee Beelaha Harti
Xilka	2000
Ka horeeyay	Ugaas Yaasiin Ugaas Cabdirixmaan
Dhashay	1959 Boosaaso Woqooyi Bari Soomaaliya
Diinta	Islaam (sunni)

Ugaas Xasan Ugaas Yaasiin (Af Carabi : ar‎) Wuxuu ka mid yahay isimada dhaqan ee Soomaaliyeed, Wuxuu ugaas guud oo magac saar ah u yahay beelaha Harti, Waana Ugaaska guud ee beesha Dishiishe, Xilka dhaqanka wuxuu kala wareegay Aabihiis Ugaas Yaasiin 2001 kadib markii aabihiis uu geeriyooday, Sida la sheego aabihiis ayaa u dardaarmay in loo duubo ugaasnimadda kolka uu isagu geeriyoodo.

Ugaasnimadda Intaan loo duubin ka hor

I-Dhalasho Iyo Waxbarasho

• 1953 wuxuu ku dhashay Magaalada Boosaaso, wuxuuna ka bilaabay dugsiga qur’aanka.

• 1960 - 1972 wuxuu ku dhigtay dugsiga Hoose, dhexe & Sareba magaalada xamar.

• 1972 - 1974 wuxuu waxbarasho u aaday dalka talyaaniga, wuxuuna wax ku baranayey kulliyada Ciidamada ee Modena.
• 1980 - 1983 wuxuu ka qalinjebiyey Kulliyaddii Dhaqaalaha ee jaamacaddii ummadda Muqdisho.

II- Khibradaha shaqo

• 1974 - 1990 wuxuu ahaa sarkaal Ciidanka qalabka sida ee Soomaaliya, wuxuuna shaqooyin kala duwan kasoo qabtay Baydhabo, dhuusamareeb & Muqdisho.

• 1988 - 1990 wuxuu waxbarasho u aaday dalka talyaaniga, wuxuuna wax kasoo bartay kulliyadda abbaanduulka ee Ciidamada Cievieta Vecchia - Roma.

• Wuxuu ku hadlaa luqadaha af-Soomaaliga, Talyaaniga, Ingiriiska Iyo Carabiga, wuxuuna soo maray dalal badan oo adduunka ah.

III-Shirarka siyaasadeed iyo Nabadaynta uu ka qayb galay

• 23-30/06/1991 wuxuu ka qayb galay isagoo wakiil ka ah Oaaska shirkii Garoowe ee lagu go’aansaday in ay SSDF noqoto hoggaanka Siyaasadeed ee gobolladan.

• 08-09/01/1992 wuxuu ka qayb galay isagoo wakiil ka ah Ugaaska shirkii Adis-Ababa oo looga hadlayey qaxootiyada iyo dadka tabarta yar sidii loo gaadhsiinlahaa mucaawinooyinka.

• 04-15/01/1992 wuxuu ka qayb galay isagoo wakiil ka ah Ugaaska shirkii dib u heshiisiinta Soomaaliyeed ee lagu qabtay Adis-Ababa.

• 15-18/11/1992 wuxuu ka qayb galay isagoo wakiil ka ah Ugaaska baaqii nabadda ee Nakuru-Kenya( The Nakuru Peace Appeal) oo ay kasoo qayb galeen Isimo, waxgarad, aqoonyahan iyo siyaasiyiin hore.

• 10-12/03/1998 wuxuu ka qayb galay isagoo wakiil ka ah Ugaaska shirkii wada tashiga Garoowe, kaasoo loogu gogolxaarayey dhismihii Dawlad Goboleedka P/Land.

• 15/03/1998-30/07/1998 wuxuu ka qayb galay isagoo wakiil ka ah Ugaaska shirweynihii Garoowe ee lagu dhisay Dawlad goboleedka P/Land.

• 27/12/1997 wuxuu ka qayb galay isagoo wakiil ka ah Ugaaska Caleema saarkii Islaanka Beesha Cumar Maxamuud Islaan Bashiir islaan Cabdulle Islaan Faarax oo ka dhacay Abqaale.

• 16/06/1998 wuxu ka qayb galay isagoo wakiil ka ah Ugaaska Caleema Saarkii Ugaaska Beesha Leelkase Ugaas axmed Ugaas Maxamed oo ka dhacay Galdogob.

• 21-25/03/2000 Wuxuu ka qayb galay shirkii aqoonyahannada soomaaliyeed ee lagu qabtay Djibouti.

• 09/05/2001-13/06/2000 wuxuu ka qayb galay isagoo wakiil ka ah Ugaaska shirkii dib u heshiisiinta Soomaliyeed ee lagu qabtay Djibouti oo ay kasoo qayb galeen Isimo, aqoonyahanno, siyaasiyiin, ningarbood, haween & Dad farabadan oo Soomaaliyeed.