Boosaaso

Ka Wikipedia
U bood: gooshitaan, raadi
Boosaaso
Bosaso
بوساسو
—  Caasimad  —
Boosaaso is located in Somalia
Boosaaso
Halka Boosaaso kaga taalo Soomaaliya.
Dhacdaa: 11°17′5″N 49°10′57″E / 11.28472°N 49.18250°E / 11.28472; 49.18250Isuduwe: 11°17′5″N 49°10′57″E / 11.28472°N 49.18250°E / 11.28472; 49.18250
Dalka  Soomaaliya
Gobol Bari
Degmo Boosaaso
La aas aasay Qarnigii 20-aad dhexdiisa -[xigasho u-baahan]
Xukunka
 • Duqa magaalada Xasan Cabdullaahi Xasan
Joogga 15 m (49 ft)
Tirada dadka (2013)
 • Guud ahaan 900,000
Saacad EAT (UTC+3)
Website bosasomunicipality.com

Boosaaso (Af-Carabi: بوصاصو; Af-Ingiriis: Bosaso; sidoo kale loo yaqaano Bandarqasin) waa magalo ka mid ah magaalooyinka ugu waayayn Soomaaliya, waana magaalada ugu weyn Magaalooyinka maamul gobolleedka Puntland isla markana waa magalada 3aad ee ugu weyn magalooyinka Soomaaliya marka laga reebo Muqdisho iyo Hargeysa. Waa magaalo aad u soo koreysa, waana Magaalada 3aad ee ugu koriinshaha badan marka laga reebo muqdisho iyo hargaysa waxayna 5 jeer kaweyntahay intii ay ahayd 1991. Magaladaan waa magaalo ganacsiyeed, waxaa degan dad lagu qiyaasaayo 900,000 oo qof tirakoob laga sameeyay 2011, Dekeda magaalada Boosaaso waxay ka mid tahay dekedaha ugu mashquulka badan dekadaha wadanka Soomaaliya, waxaana taas usuurta geliyay dadka degaankas degan oo ah dad ku tiirsan gacansiga iyo dhammaan gobalada Soomaaliya iyo kuwa wadamada deriska ah sida degaanka Soomaali Galbeed (Ogaadeeniya) ee Itoobiya oo aad u isticmaala dekada magalada Boosaaso. Boosaaso wa magaalada ugu fog dinaca bariga oo qaaradda Afrika ku yaal.

Bari waxaa waaye Gobalka ay ka tirsantahay Magalada Boosaaso, waxayna magaala madaxda utahay. Intaas waxaa dheer, magaaladaan waxay utahay degaanada Puntland magalada ugu weyn uguna dadka badan, waxayna hogaanka uhaysa ganacsiga gobaladaas waxayna maamul ahaan hoos tagtaa maamul-goboleedka Puntland. Boosaaso waa magaalo ay nabad iyo xasiloon ka jirto sida magaaloyaasha kale oo ku yaalo woqooyiga. Magaaladaan waa magaalo ku dadaasho horumarka. Boosaaso waxay leedahay hoteelo badan oo aad u casriyeysan iyo meelo lagu baashaalo, sida meelaha internetka lagu galo iyo maqaayado farabadan. Magalada waxay u dhowdahay buuro aad u quruxbadan.

Taariikh

Taariikh ahaan magaalada Boosaaso waa magaalo la soo booqan jiray waqti aad u dheer. Markii hore meesha ay Boosaaso ku taalo waxaa la dhihi jiray Bandar-Qaasim, waxaana loogu magac daray reer Al-Qaasimi oo goor hore xiriir socdaal iyo ganacsi u tagi jiray.

Boosaaso waxay aad u dhisantay burburkii dowladda dhexe ka dib, waxaana isugu yimid oo ay marti galisay Soomaalidii ka soo qaxday koonfurta iyo galbeedka, waana magaalo caan ku ah Soomaalida, waxaana ka howl gala haaya'ado badan oo ka kala socda Qaramada Midoobay sida: UNICEF, WFP, UNDP, UNHCR, DRC, SPDS, NRC .

Boosaaso deegaan ahaan waxaa dega beesha Harti Daarood waana reer saamayn ku leh Puntland, Soomaaliya, iyo Geeska Afrika. Baarlamaankii ugu horeeyey ee dowladda Soomaaliyeed oo xor ah waxaa Boosaaso laga soo dooran jiray 1959 ilaa 1969 mudaneyaasha kala ah Mudane Ugaas Yaasiin Ugaas Cabdiraxmaan oo ka mid ahaa Xildhibaannadii Qaranka iyo Isimmaddii ugu magaca iyo ixtiraamka badnaa goboladaas, iyo Mudane Xaaji Bashiir Ismaaciil Yuusuf Af-hayeenkii midnimadda, kana mid ahaa Guddigii Mideynta Soomaaliya, waxuuna noqday Gudoomiyihii ugu horeeyey ee Baarlamaanka Soomaaliya oo ku meel gaar ah 1 Luulyo 1960.

Runtii Mudaneyaasha ka soo jeeday Degmadda Boosaaso waxay ka mid ahaayeen akhyaartii iyo tiirarkii midnimadda iyo dowladnimadda ummadda Soomaaliyeed, waxay caan ku ahaayeen Dhaqan Islaami ah iyo Wadaniyad, ayagoo gacan iyo taageero ka helaya dadweynaha iyo wax-garadka maamula deegaankaas, waxay Degmadda, Gobolka iyo Dalkaba u soo hoyiyeen sharaf iyo sumcad, waxayna ka tirsan-yihiin beesha Harti - Daarood ee Soomaaliyeed.

Jawiga

Jawiga magaalada waa kulayl xilliga xagaaga lagu jiro, xilliyada kalena waa iska caadi.

Xaafadaha

Boosaaso waxaa si aad ah dadka ugu dhaqan oo soo camirey qaxooti fara badan oo hayadaha Qaramada Midoobey ku biilaan duleedka magaalada waxaana taasu keentay koror xoogan oo ku yimaada dadkii magaalada deganaa guud ahaanba.

Magaalada Boosaaso waxay ka kooban tahay 16 xaafadood oo ay ka mid yihiin Biyakulule, Raxiis, Baalade, Laanta Hawada, Xaafatu Carab, Xaafada Goobaa, New Boosaaso iwm.

Sidoo kale fiiri

Xigasho

Tixraac

Magaalooyinka Gobolka Bari Calanka Soomaaliya
Bander Beyla · Bayla · Boosaaso · Caluula · Carmo · Iskushuban · Qandala · Qardho · Ufayn · Waaiye