Dhuusamareeb

5°32′15″N, 46°23′15″E

Dhuusamareeb, waa Magaalomadaxda Gobolka Galguduud ee Bartamaha Soomaaliya oo ah mid ka mid ah gobolada Soomaaliya kuwooda ugu baaxadda weeyn (waxaa la oran jiray xiliyadii sayidku noolaa Daardheer iyo Dahardheer). Waxaana magacan oo naaneeys ahaa ku sharciyeeyay dowladii kacaanka ee 21-kii oktoobar 1969kii, dhul ahaan iyo dad ahaanba, Galgaduud waxeey xuduud dhuleed la wadaagtaa Gobolada Hiiraan Dhanka koofur-galbeed shabeellaha dhexe dhanka koofurbari ee saaran xeebta badeweynta hindiya, badweynta hindiya oo jihada bari kasaaran iyo Gobolka Mudug oo waqooyi ka saaran, Galbeedkana waxaa ka xiga xaduud beenaadka soomaaligalbeedda ku jirta gacanta gumeeystaha tigreega ee isku magacaawda Itoobiya. Gobolkan oo leh deegaano cajaa'ib ah oo juquraafi ahaan, macdan iyo deegaan ahaanba Soomaalidu ku taqaan, Tusaale ahaan Dhagaxa gibsonka loo yaqaano ee Ceelbuur oo Soomaaliya iyo carabaha oo dhan laga isticmaalo oo laga sameeyo dabqaadyada, bujikooyinka...IWM. aridibaaxa loo iibgeeyo dal iyo dibad oo uu gobolkani la qeeybsado Hiiraan oo ku deegaan ah.. iyo digir gaduudda soomaalidu u taqaanno digirta ceelbuur iyo falfaliirta. Deegaanada iyo degmooyinka qadiimka ah ee waaweeyn ee Dhuusamareeb hoos yimaada waxaa ka mid ah, Ceeldheer, Mareeg, Masagawaay, Qod-Qod, Galhareeri, Ceelgaras, Ceelbuur, Ceel-lahelay, sinadhaqo, Cadaado, Godinlabe, Mareergur, Balan-Balle, Ballicad, Gadoon, Guriceel, Ceeldheere, Gerijir, iyo degmada Xeraale. waxaa kuwaasna sii hoostaga tuulooyin iyo beello aad u faro badan. xagga juqraafiga dulka xeebtu waa deex kadiifad cagaaran oo kale ah xooluhuna cowska afka kama qaadaan duurjoogta iyo xooluhuna isma cunaan dadkuna ugaarta ma laayaan oo waxeey ka aaminsan yihiin in ay iyagu idaha leeyihiin ugaartuna tahay xoolo jinni! Cadaao iyo caabudwaaq waxaa u dhaxeeya dhul lagu qiyaasi kari 60km oo isku wareeg ah, waxaana looyaqaanaa ban geelle dhulkaas waayadii hore ugaar kaliya ayaa joogtay hadase waxaa daaqqa geella waxaa kuyaalla cows daka iyo xoolaha kala qarinaaya oo aad u dheer, aagga caradda gaduudan ee balliyada badan waa dhulka aricadka lagu dhaqdo wuxuu leeyahay dhir iyo howd aad u baaxad weeyn waxaa ka baxa geedka soomaalidu kufaanto oo aan aduunyada meelkale kabixin eelayiraahdo Gudda, amase geedka Yicibta.xagga hiiraan xigta waa waadiyo biyooleey ah iyo buuraley.