Xisbiga Nabadda iyo Horumarka

Ka Wikipedia
U bood: gooshitaan, raadi
Xisbiga Nabadda iyo Horumarka
Peace and Development Party (PDP)
حزب السلام والتنمية
Partito Pace e lo Sviluppo
Gudoomiye Xasan Sheekh Maxamuud
Xoghayaha Guud Xamza Cabdi Barre
Xog.Arr. Gudaha & Bulshada Yuusuf Xuseen Jimcaale
Xog. Dhal. & Sport-ga Cali Yaasiin Sh. Cali
Xog.Arr. Dibadda Faarax Sh. Cabdulkhaadir
Xog.Arr. Qoyska & Haweenka Dahabo Sh. Maxamuud
Xog. Maaliyadda Saadaad Maxamed Nuur
Xog. Tababarada & Qorsheynta Jamaal Maxamed Barrow
La Aasaasay 18 Abriil 2011
Ku biiray Xisbi Siyaasadeed Madaxbanaan
Xarunta Muqdisho
Qaybaha dhalinyerada Dhalinyarada
Xobnaha  (2011) malaha
Mabda'a Xisbi ujanjeera dhanka siyaasadda furfuran
Garabka siyaasadda Midig dhexe
Udhashay Soomaaliya
Heer caalami malaha
Baarlamaanka afrika Malaha
Midabada Cagaar , Cadaan iyo buluug
Aqalka sare
0 / 275
Aqalka hoose
0 / 100
Laamaha Xisbiga Kenya, Masar, Koonfur Afrika, Uganda, Sudan, Sweden, Norway
Website
http://www.pdp.so/Somali/

Xisbiga Nabadda iyo Horumarka حزب السلام والتنمية Peace and Development Party (PDP) Xisbiga Nabadda iyo Horumarka waa Xisbigii ugu horeeyey ee siyaasdeed ee looga dhawaaqo Muqdisho islamarkaana si toos ah uga howlgala gudaha dalka iyo dibadda.


Farriinta

In la dhiso dowlad soomaaliyeed oo madani ah, ilaalisa mabaad’ida aasaasiga ah ee ummadda isla markaasna xaqiijisa in dadka iyo dalkuba helaan amni la isku halleyn karo iyo maamul hufan oo ka dhowrsan musuqmaasuq, cadalad darri iyo ku tagrifalka awooda dowladnimada gaarsiinayana shacabka adeegyada bulsho ee muhiimka ah.


Aragtida

In la dhiso bulsho ka madax bannaan qabyaalad, cabsi iyo colaad ka aloosanta dhexdeeda ama uga timaada dariska iyo caalamka intiisa kale, kuna naaloota nabad, amni iyo caddaald sababta horumar dhan kasta ah.


Ujeeddooyinka Xisbiga

Ujeedooyinka Xisbigu waa in la:

1. Dhiso maamul Dawladdadeed oo ka hana qaada dhamaan Soomaaliya, soona celiya midnimadii qaranka, kala danbeyntii, sharcigii, iskaashigii iyo walaaltinimadii Shacabka soomaaliyeed.

2. siiyo muhimadda kowaad dib u dhiska nabadda iyo dib u heshiisiinta siyaasadda iyo bulshada guud ahaan.

3. Dhowraa xuquuda muwaaddinka soomaaliyeed, sida diintiisa, noloshiisa, Sharaftiisa, maalkiisa, iyo caqligiisa si loo helo muwaadin guta waajibaadkiisa qaran.

4. Xoojiyaa lana dhiirigeliyaa baahinta dhaqanka nabadda, wadatashiga, maamul wanaagga, u hoggaansanka sharciga, Madaxbannaanida garsoorka, la dagaallanka musuqmaasuqa, iyo kutagrifalidda awoodaha dowladnimadda.

5. Helo in dastuur joogto ah oo waafaqsan Shareecada Islaamka isla markaasna xaqiijinaya nidaamka Xisbiyada badan si talada dalka loola kala wareego si nabad ah.

6. Dhiirrigeliyo kobicnta dhaqaalaha, lana xaqiijiyo cadaalad ku qeybsiga kheyraadka dalka

7. Hormariyo waxbarashada, cilmi baarista, hiddaha iyo dhaqanka, daryeelka caafimaadka, iyo ilaalinta degaanka.

8. Horumariyo Haweenka, Dhallinyarada iyo Dhallaanka, lana daryeelo qoyska, agoonta iyo naafada.

9. Xoojiyo lana horumariyo xiriirka wadamada caalamka, ururrada caalamiga iyo Urur goboleedyada si loogu wada nolaado, nabad iyo iskaashi.

10. Dhiirrigeliyo ka qeybgalka qurbajoogta Soomaaliyed arrimaha horumarinta siyaasadda, diblomaasiyadda iyo dhaqaalaha lagana taageeraa ilaalinta dhaqanka sida horumarinta barashada afka ee dhallaanka.



Liiska Xisbiyada Siyaasada

Tan iyo wakhtigii dadka Soomaalidu qaateen xoriyada waxaa jiray xisbiyo siyaasadeed. Sanadkii 1969kii ayaa waxaa talada wadanka la wareegay Golaha Sare Kacaanka (SRC) kuwaasi oo dhowr nooc oo xisbiyo ah soo bandhigay; sida Xisbigii Kacaanka Hantiwadaaga. Si kastaba ha ahaatee, waxaa wadanka Soomaaliya ugu horeeyay Xisbiga SYL, kuwaasi oo ahaa xisbigii la dagaalamay gumaystihii wadanka.[1]

Markii Jaale Siyaad Barre la wareegay talada wadanka, waxaa meesha ka baxday dhamaan xisbiyadii bulshada ee madaxa banaanaa, wakhtigaasi oo wadanka Soomaaliya iskubedelay nidaamka shuuciyada[2] ee laga keenay wadanka Ruushka iyo Shiinaha. Ka dib, markii uu dhacay dagaalkii sokeeye ee wadanka sanadkii 1991kii ayaa waxaa meesha ka baxday dhamaanba nidaamkii dowladnimo ee wadanka Soomaaliya.[3] Si kastaba ha ahaatee, dadaalo badan oo dawlad dhisid ah ka dib waxaa Soomaaliya dib uga soo noolaaday nidaamka xisbiyada kuwaasi oo ilaa maanta daciif ah.[4]

Sidoo kale fiiri

Maqaalo kale

Tixraac

  1. Luqman B. Abdulaahi.
  2. Peter John de la Fosse Wiles, The New Communist Third World: an essay in political economy, (Taylor & Francis: 1982), p. 279 ISBN 0-7099-2709-6.
  3. Central Intelligence Agency (2011). "Somalia". The World Factbook. Langley, Virginia: Central Intelligence Agency. Retrieved 2011-10-05. 
  4. "Somalia: UN Envoy Says Inauguration of New Parliament in Somalia 'Historic Moment'". Forum on China-Africa Cooperation. 21 August 2012. Retrieved 24 August 2012.