Berbera

Ka Wikipedia
U bood: gooshitaan, raadi
Berbera
Barbara
بربرة
—  Magaalo  —
Berbera is located in Somalia
Berbera
Waxay Somaliland kaga taal am.
Dhacdaa: 10°26′08″N, 45°00′59″E
Dalka  Somalia
Gobol Woqooyi Galbeed
Joogga 3 m (10 ft)
Tirada dadka
 • Guud ahaan 232,500
Saacad EAT (UTC+3)

Berbera waa magaalo xeebeed oo ku taalo gobolka Woqooyi Galbeed ee Soomaaliya, maamulka ka arrimiya Somaliland sida ay la tahay waa magaalo ka tirsan gobolka Saaxil. magaalada Berbera waxay leedahay Dekad ugu wanaagsan qaybta Bada cas ka hooseysa, Dawladdii hore markay jirtay iyo ilaa hadda Berbera waa dekad camiran.

Berbera waa magaalo caan ah, oo aad u da wayn, sidda ay ku tilmaaman tahay buugaagta taariikhdda ee ay qoreen rag uu ka mid yahay Ibnu batuta. Waxa magaaladda dagan, dad ku dhow ilaa iyo 223,000 oo qof qoyaastii. waana ay sii kordhaysaa tiradda dadku. Jawiga magaalada aad ayuu u-kulushahay, khaasatan xilliga xaggaga oo uu heerkulku gaaro illaa 45 degree.

Waxaa hoos u dhac ku yimid adeegsiga dekadda taas oo ay ka dambeysey xayiraadi Carabtu kusoo rogtey xoolihi soomaalida sanadadii la soo dhaafay oo hada la furay . Shaqada ugu weyn ee hadda dekada kala wado waxaa wayn alaabta ugu soo degta dalka Etoobiya kadib markii wadanka Eritrea ka go´day dalkaas, ka xidhayna xidhiidhka Badacas.


Muqaalka Guud ee Magaalada Berbera iyo Dhaqdhaqaaqa Dhaqaale.[Wax ka bedel | wax ka bedel xogta]

)Magaalada Berbera waa ilaha dhaqaale ee Soomaaliland waxaa ku taal Dekadda ugu wayn Soomaaliland ee ay ka soo dagaan wax la quuto wadanka oo dhan waxaana ilaha uga wayn ee dhaqaaluhu ka soo galo dalka.

Waxaa ku nool magaalada Berbera Dadwayne shaqaale u badan waa magaalada kaliya ee aad odhan karto samayn kuma laha Shaqaalo la'aanta wadanka rakaadisay subaxnimada hore ee aroortii waxaad arkaysa dadbadan oo shaqo tagaya intooda badana ay ku sii qulqulayaa Dekada walow ay u badan yihiin muruqmaal ka xoogsada dekada.

Ardayda waxbarashada ku jiraa ma badan oo magaalada wax ay leedahah dugsiyo hoose/dhexe iyo secondry iyo jaamacada Golis oo ah Jaamacad priveta ah sidaas darteed waxaan odhan karnaa xaga waxbarashada dhaqdhaqaaq sidaas u badan ma jiro marka aan barbardhigno Magaalooyinka Borama,Hargaysa iyo Burco.

Mar aan Booqday Dekada oo ag ilaha Dhaqaale ee Wadanka wax ay indhahaygu qabnayeen sawiraduna muujinayaa Dekada oo aad u maqshuul ah shaqo xoog lehna ka socoto waxaa kale oo aan la sheekaystay qaar ka tirsan Shaqaalaha Dekada waxayna ii sheegeen in uu fiican yahay Dhaqaalaha Dekadu guud ahaan waxa kale oo intaas ku dareen in ay jiraan hoos u dhac xaga dhaqaale oo shaqaalaha saameeyey waqti uu kor u kacay dhaqaalaha dekadu taas ay ku sheegeen in mushaarka la kordhiyey aanay wali dhan dhamin hadii wax la kordhinayana ay iyagu xaq u leeyihin.

sidoo kale intii aan ku gudo jiray socdaalka wadad dheer ayaa waxaan ku arkayey baraha Kantrol ee gaadhi joogsanayey ciidamada booliska ah ee ku sugna in ay dirawalka gaadhiga waydiinayey 1000 Sh Sl oo ah lacag aad u yar taas oo muujinaysa baahida haysa ciidanka booliska oo uu dhawaan madaxwaynuhu ku dhawaaqay in uu mishaarkii u kordhiyey 100%100 taas oo aan wali hir galin mar aan wax ka waydiiyey mid ka mid ah ciidanka booliska ayaa wax uu ii sheegay wax la kordhiyey daayoo inaanay wali qaadan mushaarkii bisha oo dhanba.

Dhanka kale Magaalada Berbera waxaa ka dhisan Dhismayaal qadiimi ah oo dun dunsan kuwaas oo aan wali wax dib u dhis ah aan lagu samayn sidoo kalena magaalda waxaa ku yar guud ahaan dhaqdhaqaaqa dhisme.

Taariikhda magaalda berbera[Wax ka bedel | wax ka bedel xogta]

Magaalada Berbera oo mar loo yaqaanay "Malawo" waxay ka mid tahay magaalooyinka ay warbixinta faahfaahsan ka bixiyeen Richard Burton iyo Johnston -ba, waxayna labadooduba ku tilmaameen sebenadaa, inay magaaladu ahayd magaalo weyn, oo laga samayn jirey carwooyin ganacsi, gaar ahaan xilliyada magaaladu qabawdahay.

Qarnigii 19-naad horraan-tiisii ilaa dhammaadkiisii, magalaada Berbera dadka deggenaa waxay u badnaayeen Carab iyo Hindi, balse waxaa dadkaa ajaanibka ah u ahaa "Abbaan" dad soomaaliyeed, waayo suurtagal may ahayn in qof qalaad uu Abbaan la'aan ku dhexjoogo magaalooyinka xeebaha Somaliland.

Nin la odhan jiray Drake-Brockman oo Somaliland ka qoray buug aad u faahfaahsan 1912-kii wuxuu ku qiyaasay tirada dadka Berbera inay u dhaxay-say 20,000 ilaa 40,000 xilliga qaboobaha, balse xilliga xagaaga ama kulaylaha ay tiradaasi hoos ugu soo dhici jirtay 5000-10,000 oo qof. Berbera waa dakeda uguwayn Geeska Afrika. magaalada berbera iyo gobolka saaxil waxa dega qabiilka isaaq gaar ahaan ciise muuse,oo ah qabiilka uu ka dhashay madaxweynihii hore ee somaliland marxum maxamed haji ibraahim cigaal


Gobolka Woqooyi Galbeed Soomaaliya Qaarada Afrika
Hargaysa · Berbera · Gabiley · Wajaale