Sigaar

Ka Wikipedia
Qaar ka mid ah sigaarka maanta dunida laga cabo.
Baakadh sigaar ah

Sigaar (ingiriis: Cigarette) waa buuri ku duuban warqad khafiif ah kaas oo la cabo qiiqiisa. Sigaarka oo u sameeysan qaab dhuuban ayaa hal dhinac dab laga qabadsiiyaa isla markaana laga nuugaa dhinaca kale, taas oo qiiqu tago sambabada qofka cabaya.

Buuriga ama tobaakada sigaarku ka kooban yahay aad ayay u kala duwan tahay waanay kala qadar iyo halis badan tahay.

Sigaarku waxa uu ka mid yahay mukhaadaraadka, sababtoo ah waa wax lala qabsado oo qofka isticmaalo mar kasta u baahan yahay.

Cabitaanka sigaarku waxay keentaa xanuuno badan, isla markaana bur-burisaa dhaqaalaha qofka isticmaala.

Buuriga laga sameeyo sigaarka waxa ku jira kimikooyin badan ooy ka mid tahay Nicotine, taas oo ah daroogo halis ah oo waxyeeleeysa caafimaadka qofka isticmaalaya.

In ka badan 60% dadka caba sigaarka waxay u dhintaan xanuuno la xidhiidh sigaarka. Isticmaalka sigaarka wuxuu keenaa cimri deg-deg, midabka oo is-bedela, ilkaha oo casaada iyo xanuuno badan oo halis ah sida xanuunka "Kansarka" sambabada, kansarka dhuunta, kansarka faruuryaha iyo kuwo kale oo badan.

Dumarka sigaarka caba wakhtiga eey uurka yihiin waxay keentaa ineey dhalaan ilmo aad u liita oo misaankiisu ka hooseeyo ilmaha eey dhasho hooyo aan sigaar cabin.

Sidoo kale, neefsiga qiiqa sigaarka qof kale cabayo ayaa iyadna keenta xanuuno dhibaato u geeysan kara qofkaas. Taasi waa sababta looga mamnuucay in sigaar lagu cabo meelaha bulshadu iskugu timaado.

Markaa haddii aad sigaar cabto iska jooji, haddii aanad cabin iska ilaali in aad neefsato qiiqa sigaar qof kale cabaayo sababto ah adiga dhib ayaa ku soo gaari karta.

W/Q; Mohamed Hassan Abdulle Bakaal

Taariikhda Maxamed Xasan Cabdulle Bakaal[wax ka badal | wax ka badal xogta]

Waxa la sheegaa in qarnigii 9aad eey qabiilo ka mid ah beelahii degenaa Waqooyiga Ameerika sida qabiilka Maaya loo yaqaan iyo Aztecs isticmaali jireen buuriga ama tobaakada sigaarka laga sameeyo.

Waxay ahay qarnigii 17aad markii buuriga sigaarka la keenay qaarada Yurub halkaas oo loo farsameeyay qaabka aan maanta u naqaano sigaarka.

Sigaarka intiisa u badan waxaa dunida gaadhsiiyay gumeeystayaashii reer Yurub.

Isticmaalka Sigaarka[wax ka badal | wax ka badal xogta]

Meherad sigaarka lagu iibiyo

Sanadkii 2002da tirokoob la sameeyay waxaa lagu ogaaday in qiyaastii 5.5 tiriliyan oo Sigaar ah warshadaha Sigaarku soo saaraan sanadkiiba; taaso oo eey cabaan in ka badan 1.1 bilyan oo dad ah.

Inkastoo tirada cabitaanka sigaarka ee wadanada horumaray hoos u sii dhacayso, waxaa si xawaare badan u sii kordhaysa tirada dadka sigaarka caba wadanada soo koraya.

Cabitaanka Sigaarka Lab iyo Dhedig (2000)
Boqolkiiba inta Cabta
Gobol Raga Dumarka
Afrika 29% 4%
Maraykanka 35% 22%
Bariga Mediterranean 35% 4%
Yurub 46% 26%
KoonfurBari Aasiya 44% 4%
Galbeedka Baasifiga 60% 8%

Dhaqaalaha & Sigaarka[wax ka badal | wax ka badal xogta]

Warshado badan ayaa sameeya isla markaan dhoofiya Sigaarka.

|| || || || || || || ||

Wadanada ugu Badan ee Sigaarka Laga Cabo (1998)
Wadan Dadka Caba
(milyan)
Tirada Guud e Sigaarka la Cabo
(bilyan)
Tirada Sigaarka la Cabo
(qof ahaan)
Shiinaha 1,248 1,643 1,320
Maraykanka 270 451 1,670
Jabaan 126 328 2,600
Ruushka 146 258 1,760
Indoneesiya 200 215 1,070

Ganacsiga Sigaarka[wax ka badal | wax ka badal xogta]

Sigaarka waxaa laga sameeyaa caleemaha iyo laamaha geedka buuriga, kuwaas oo laga beero meelo badan oo kala duwan.

In ka badan, 70% caleenta buuriga la soo saaro dunida waxaa laga sameeyaa sigaar.

Soo saarida buuriga aduunku 40% ayuu kacay intii u dhaxaysay 1971kii oo 4.2 milyan ton la soo saari jirey, iskuna bedeshay 5.9 milyan ton sanadkii 1997ka, iyo 7.1 milyan ton sanadkii 2010ka. Sidoo kale, wadano cusub ayaa ku soo biiray suuqa buuriga aduunka oo marka hore u xidhnaa wadano reer Yurub iyo labada Ameeriko. Wadano badan oo dunida soo koraysa ah ayaa bilaabay beerista iyo soo saarista buuriga.

Soo saarka buuriga ee wadanka Shiinaha ayaa kordhay 17% sanadkii 1971 ilaa 47% sanadkii 1997, sababtoo ah qiimaha badeecadooda ayaa aad u hoosaysay.

Guud ahaan, dunida waxaa la soo saaraa 6.7 milyan ton oo buuri ah. Wadanada ugu sareeya saarka buurigu waa Shiinaha (39.6%), Hindiya (8.3%), Brasil (7.0%) iyo Maraykanka (4.6%). Dhinaca kale, waxaa jira wadano badan oo tiro yar oo buuri ah soo saara. Kuwaas waxaa ka mid ah: Filibiiniska, Ruushka iyo Turkiga.

Shirkadaha Soo Saara[wax ka badal | wax ka badal xogta]

Warshado badan ayaa sameeya isla markaana ka ganacsada sigaarka. Liiska Shirkadaha ugu horeeya soo saarida iyo dhoofinta sigaarka waxaa ka mid ah:

Qiimaha Sigaarka[wax ka badal | wax ka badal xogta]

Wadan US$/20 Baakidh €/20 Baakidh Qiimaha suuqa/20 Baakidh Wakhtiga Qiimaha Ilaha akhbarta
Ayarlaan (Ireland) 11.60 9.10 €9.10 2012-07-16 [1] Archived Agoosto 18, 2012 // Wayback Machine
Ingiriiska (UK) 12 9.40 £7.50 2012-03-21 [2]
New Zealand 13.13 10.10 NZ$16 2013-01-01 [3]
Boolaan (Poland) 4.75 3.70 15.50 PLN 2013-05-18
Maraykanka (New York) 12.50 9.80 $12.50 2012-06-26 [4] Archived Nofeembar 13, 2013 // Wayback Machine
Maraykanka (Virginia) 4.60 3.50 $4.56 2013-04-11 [5] Archived Nofeembar 5, 2017 // Wayback Machine
Ustaraaliya (Australia) 13.50 10.50 A$13 (A$16/ 25 pack) 2013-11-03 [6] Archived Oktoobar 13, 2013 // Wayback Machine
Norway 15.50 12.20 NOK90 2012-05-12 [7]
Singabuur 8.60 6.60 $11.20 2012-12-27
Malaysiya 3.70 2.81 12.00 RM 2012-12-27
Koonfur Afrika 3.11 2.33 R31.00 2013-06-14 [8]
Kanada 10.75 7.92 C$11.20 ($14/25 pack)
Indoneesiya 2.40 2.00 Rp 24.000 2012-11-20

Wadanada Dhoofiya Sigaarka[wax ka badal | wax ka badal xogta]

Waxyeelada Caafimaadka[wax ka badal | wax ka badal xogta]

Sigaar cabid ma jiro[wax ka badal | wax ka badal xogta]

Qaar ka mid ah bulshooyinka diinta (sida Markhaatiyaasha Yehowah) waxaa saaran waajibaad ah inay si cad uga fogaadaan cabista sigaarka iyo isticmaalka tubaakada.[1][2]

  • Sigaarka jidhkuu nijaaseeyaa.
  • Sigaarka caafimaadkeenna buu waxyeelaa.
  • Sigaar cabka wuxuu muujiyaa ixtiraamdarrada nolosha loo qabo.
  • Yehowah qof walba wuu ku caawin karaa inuu sigaarka joojiyo.

Xigasho[wax ka badal | wax ka badal xogta]