Xarunta Ganacsiga Aduunka

Ka Wikipedia
Jump to navigation Jump to search
Qora By abdiwali Mohamed farah
Kani waa maqaal ku saabsan waax ka mid ah Ururka Ganacsiga Aduunka.
Boga "ITC" halkan ayaa laga soo toosiyay
Xarunta Ganacsiga Aduunka
International Trade Center
مركز التجارة الدولي

Storck Harbour scene.jpg

NuucaUrur iskuxidha ganacsiga iyo iibsiga bulshooyinka
Xaaladda SharciHada shaqaysa
XaruntaJeniifa, Iswisarland
Luqadaha RasmigaAf-Ingiriis, Af-Faransiis, iyo Af-Isbanish
Websitewww.itc.org


Xarunta Ganacsiga Aduunka (Af-Ingiriis: International Trade Center; Af-Carabi: مركز التجارة الدولي) (loo soo gaabiyo ITC) waa wakaalad hoostagta Ururka Ganacsiga Aduunka (WTO) iyo Shirka Ganacsiga iyo Horumarka Qaramada Midoobay (UNCTAD) taasi oo ka talabixisa arimaha khuseeya ganacsiga caalamka. Halka Ururka Ganacsiga Aduunku inta ugu badan ku mashquulsan yahay sameeynta sharciyada ganacsiga caalami, iyo UNCTAD ka shaqeeyso cilmibaadhis iyo gargaarid, Xarunta Ganacsiga Aduunku waxay si hoose oo ayada u khaas ah uga shaqeeysaa caawinta horumarka dhaqaalaha iyo hirgalinta ganacsiga wax dhoofinta iyo soo dhoofsashada wadanada. Inkastoo ururkani dhinac ahaan ka tirsan yahay Qaramada Midoobay hadana shaqada uu Ururka Xarunta Ganacsiga Aduunku qabto ma ahan mid hayadaha kale farogalin iyo ka qeyb qaadasho ku leeyihiin.

Guud ahaan, Xarunta Ganacsiga Aduunku waxay xarunta sare ku leedahay magaalada Jeniifa, wadanka Iswisarland iyo hal xafiis Caasimada Meksiko.




Shirka Ganacsiga iyo Horumarinta QM[Wax ka bedel | wax ka bedel xogta]

Xarunta UNCTAD ee Jeniifa

Shirka Ganacsiga iyo Horumarka Qaramada Midoobay (Af-Ingiriis: United Nations Conference on Trade and Development, loo soo gaabiyo: (UNCTAD); Af-Carabi: مؤتمر الأمم المتحدة للتجارة والتنمية) waa hay'ad ka tirsan Ururka Qaramada Midoobay taasi oo la aasaasay sanadkii 1964. Ururka UNCTAD waa xubin aad muhiim u ah oo ka tirsan Golaha Sare ee Qaramada Midoobay taasi oo shaqadeeda ugu muhiimsan tahay ganacsiga, maalgashiga iyo waxyaabaha la xidhiidha horumarka.

Hadafka koowaad ee ururku waa: "in kor loo qaado ganacsiga, maalgashiga ajaanib, iyo fursadaha horumarin ee wadanada soo koraya. Sidoo kale ururku wuxuu u hiilan yahay oo diyaar u yahay inuu caawiyo dadaalada isla markaana tilmaan iyo talobixin siiyo dhaqdhaqaaqyada lagu horumarinayo dhaqaalaha."[1]

Intaas waxaa dheer in ururka UNCTAD ka qeyb qaato xidhiidhka iyo horumarinta ganacsiga, gargaarka baniaadamtinimo, socdaalka, dhaqaalaha, iyo teknoolojiyada. Sida caadiga ah xubnaha ururku waxay kulmaan halmar afartii sano, xafiiska xoghaynta wuxuu si rasmi ah ugu yaala magaalada Jeniifa.

Qoraalo La Xidhiidha[Wax ka bedel | wax ka bedel xogta]

Linkiyo Banaanka[Wax ka bedel | wax ka bedel xogta]

Tixraac[Wax ka bedel | wax ka bedel xogta]

  1. From official website