Makaroone

Ka Wikipedia
Jump to navigation Jump to search
Kani waa maqaal ku saabsan nooc ka mid ah cuntada. Boga "baasto makarone" halkan ayaan laga toosiyay
Makaroone
Makaroonuhu waa nooc ka mid ah baastada
Alaabta lagu sameeyo makaroonaha

Makaroone (Af Ingiriis : macaroni; Af carabi: معكرونة; loogu dhawaaqo: /kəˈrni/) waa nooc ka mid ah baastada qalalan kaasi oo leh qaab dhuuban oo wareegsan isla markaana gaaban. Sidoo kale, makaroonahu waa cunto[1] diyaar ah oo asal ahaan ka soo jeeda wadanka Talyaaniga, taasi oo la aaminsan yahay in lagu isticmaali jirey ila sanadkii 1154.[2] Makaroonaha waxaa laga sameeyaa midhaha firileyda ah oo la ridqay (burburiyay) ka dib lagu qasay jiis (cheese) iyo biyo. Makaroonuhu wuxuu kaga duwan yahay noocyada kale ee baastada waxaa ka mid ah dhererka, iyo waxyaabaha laga sameeyo.

Makaroonaha, meelaha qaar looga yaqaano Baasto gaagaab, waa cunto ka mid ah raashinka dadku isticmaalaan maalin kasta, gaar ahaan waxaa baastada la isticmaalaa cashada iyo qadada. Sidoo kale, waxaa jira noocyo badan oo baasto ah, taasi oo leh midabo kala duwan, dhadhan iyo nafaqo kala duwan. Farqiga baastada waxaa keeni kara midhaha iyo waxyaabaha laga sameeyay.


Dadka Soomaalida[wax ka badal | wax ka badal xogta]

Si la mid ah shacabka caalamka, bulshada Soomaalidu waxay isticmaalaan noocyada kala duwan ee baastada. Inta ugu badan waxaa la cunaa baastada wakhtiga qadada iyo cashada, laakiin wakhtiyadu intaas kuma koobna. Noocyada baastada ee deegaanada Soomaalida ku caanka ah waxaa ka mid ah baasto iskudhax karis iyo baasto iyo suugo.

Noocyada[wax ka badal | wax ka badal xogta]

Baasto Cusub[wax ka badal | wax ka badal xogta]

Bastada cusub waa mid ka samaysan midho feresh ah taasi oo lagu diyaariyo xaafadaha ama deegaanada lagu isticmaalayo. Baastada noocan ah waxaa inta ugu badan laga sameeya daqiiq cusub oo lagu xashay ukun iyo xawaash fudud.[3]

Baasto Qalalan[wax ka badal | wax ka badal xogta]

Baastada qalalan waa nooca lagu diyaariyo wershadaha sababtoo ah waxaa mashiino lagu sameeyaa wax badan oo loogu talogalay baayacmushtar iyo ganacsi. Sida badan laguma daro ukun, laakiin waxaa laga yaaba in noocyo ka mid ah lagu daro waxyar oo ukun ah.

Muuqaalka[wax ka badal | wax ka badal xogta]

Qoraalo La Xidhiidha[wax ka badal | wax ka badal xogta]

Linkiyo Banaanka[wax ka badal | wax ka badal xogta]

Tixraac[wax ka badal | wax ka badal xogta]

  1. Ehrlich, Richard (6 May 2009). http://www.guardian.co.uk/lifeandstyle/wordofmouth/2009/may/06/processed-food-reduce-diet-health. Soo qaatay 7 July 2012.  Maqan ama ebar |title= (caawin)
  2. McClatchey, Caroline (15 June 2011). BBC http://www.bbc.co.uk/news/magazine-13760559. Soo qaatay 23 March 2012.  Maqan ama ebar |title= (caawin)
  3. "Quessenberry"Quessenberry, Sara. Real Simple http://www.realsimple.com/food-recipes/shopping-storing/food/dried-vs-fresh-pasta-10000001609408/. Soo qaatay 28 March 2012.  Maqan ama ebar |title= (caawin)
Commons-logo.svg
Wikimedia Commons waxee heysaa war la xiriiro: