Somaliland

Ka Wikipedia

Somaliland (Af-Soomaali Soomaaliland) Jamhuriyada Somaliland waxa ay ku taal Gobolka geeska bari ee Afrika, waxey xaddadka la wadaagtaa Soomaaliya, Jabuuti iyo Itoobiya. Somaliland waxey aheyd gobolladii Ingiriisku gumaysan jirey, waxeyna xornimadda qaadatey Juun 26 1960 afar maalmood ka dibna waxay la midowday Soomaliya oo Talyaanigu guumeysan jiray.

Sanadkii 1991 ayey Somaliland ku dhawaaqday inay ka go'day dalka Soomaaliya, waxayna la baxday magaca Somaliland magaalo-madaxna waxaa u noqotay magaalada Hargaysa. Cabdiraxman Axmed Cali (Tuur) oo ahaan jirey hogaamiyihii Ururkii Dhaqdhaqaaqa Wadaniga Somaliyeed SNM, ayaa loo doortay inuu noqdo madaxweynahii ugu horeeyay ee Somaliland, waxaa ku xigey Maxamed Xaaji Ibraahim Cigaaloo noqdey Madaxweynihii Labaad ee Somaliland. Waqtigaan la joogo Somaliland waxaa madaxweyne u ah Somaliland waa Daahir Rayaale Kaahin.

Somaliland waxaa ka jira Xisbiyo Siyaasadeed oo madax bannaan, sida Kulmiye, UDUB, UCID iyo Qaran. Somaliland Waxa Soo Maray Saddex Madaxweyne oo Xukunka Isaga danbeyay Madaxweynaha Haatan talada haya waxa lagu soo doortay Doorasho dadweyne oo toos ah oo si xor uga dhacdey Somaliland dadka somaliland waxa ay mujiyen in ay yihiin bulsho nabadeed oo deriskooda nabad kula nool, dadka Somaliya waa inay ka fekaran sidii ay iyagu u noolaan lahayen oo nolashooda ugu koobnaan lahayen, somaliland hadii ay gundhig u ahayd midninadii somaliya ee lagu jabay haatan diyaar uma aha in ay somaliya wax la wadaagaan somalidu taa ha fahanto somaaliland qabaa,ilada wada degaa waa ku qanacsan Yihiin Guud ahaan Aftidii Dastuurka Somaliland oo Xaqiijinaysay Gooni isu taaga ayaa laga qabtey wadan ka gebi ahaan 2001

[Wax ka bedel] Madaxweyneyaashii Somaliland:

• 1. Cabdiraxman Axmed Cali Tuur : 1991 - 1993
• 2. Maxamed Xaaji Ibraahim Cigaal : 1993 - 2002
• 3. Daahir Rayaale Kaahin : 2002 -

[Wax ka bedel] Maalmaha Somaliland laga Xuso

• 1- 26 Juun oo ah maalinta ay ka qadatay xornimada gumaysigii Ingiriiska.
• 2- 18 Maajo oo ah maalinta ay madaxbanaanida kala noqotay Soomaaliya.
• 3- Labada Ciidood ee Islaamka
• 4- Maalmaha Caalamiga ah sida maalinta shaqaalaha, Aydhiska, iwm.